අලුත් අවුරුදු උත්සව සමය නිමිත්තෙන් ඉහළ දැමූ සතිපතා ඉන්ධන කෝටාව නැවත දැනුම් දෙනතුරු ලබා දෙන බව විදුලිබල හා බලශක්ති අමාත්‍යාංශය සඳහන් කරයි.

නිව් ඩයමන්ඩ් නෞකාව ගිනි ගැනීම හරහා ශ්‍රී ලංකාවට ලැබුණ මූලික වන්දි මුදලක් වූ ඇමෙරිකානු ඩොලර් මිලියන පහක මුදලක් ලංකාවේ සමාගමක ගිණුමකට ලැබී තිබුණත් එම මුදල යලිත් පිටරටට ගොස් ඇති බව පාර්ලිමේන්තු මන්ත්‍රී විජිත හේරත් මහතා පැවැසීය. අද පාර්ලිමේන්තුවේදී අදහස් දක්වමින් ඔහු මේ බව පැවැසීය.

හරිත පක්ෂයක් ලෙස එක්ස්ප්‍රස් පර්ල් ඛේදවාචකය ගැන පැහැදිලි මතයක් දරන බවත් මේ සිදුවීම් සිදුවී දින කිහිපයක් ඇතුළත එවක ජනාධිපතිවරයාට ලිපියක් මඟින් අපක්ෂපාතී විශේෂ පරීක්ෂණයක් සිදු කරන ලෙස දන්වා සිටි බවත් ඉන් පසුත් අවස්ථා ගණනාවක් මේ සම්බන්ධයෙන් ප්‍රකාශය සහ පුවත්පත් නිවේදන නිකුත් කළ බවත් විපක්ෂ නායක සජිත් ප්‍රේමදාස මහතා පැවැසීය. අද පාර්ලිමේන්තුවේදී ප්‍රකාශයක් කරමින් ඔහු මේ බව පැවැසීය.

නිව් ඩයමන්ඩ් ප්‍රින්සස් නෞකාව හා එක්ස්ප්‍රස් පර්ල් නෞකාව ගිනි ගැනීම හරහා ශ්‍රී ලංකාවට වන්දි ලබාගැනීම වෙනුවෙන් නඩු පැවැරීම වැළැක්වීම වෙනුවෙන් චාමර ගුණසේකර නැමැති පුද්ගලයෙකුගේ ගිණුමට ඇමෙරිකානු ඩොලර් මිලියන 250ක පමණ මුදලක් අල්ලස් වශයෙන් බැරවී ඇති බව අධිකරණ අමාත්‍ය ආචාර්ය විජයදාස රාජපක්ෂ මහතා පාර්ලිමේන්තුවේදී ප්‍රකාශ කළේය.

නීතිඥවරයෙකුගේ නිවසේ සුරතලයට ඇතිකරන සුනඛයාට වසදී ඝාතනය කිරීමේ සිද්ධිය සම්බන්ධයෙන් අත්අඩංගුවට ගත් නීතිඥවරියක් කැස්බෑව අධිකරණය වෙත ඉදිරිපත් කිරීමෙන් අනතුරුව රුපියල් ලක්ෂ පහක 5 ක ශරීර ඇප මත මුදා හරින ලෙස මහේස්ත්‍රාත් දමින්ද රාමනායක මහතා නියෝග කළේය.

චීන මහජන සමූහාණ්ඩුව විසින් මෙරටට පරිත්‍යාගයක් ලෙස පිරිනැමුණු ශ්‍රී ලංකා ජාතික රෝහලේ අට මහල් නව බාහිර රෝගී සංකීර්ණය අද (25) චීන මහජන සමූහාණ්ඩුව විසින් ශ්‍රී ලංකා රජය වෙත නිල වශයෙන් භාර දුණි.

ලොව විවිධ රටවල් පොළොව අභ්‍යන්තරයේ සිදුකරන න්‍යෂ්ටික අත්හදා බැලීම් සහ මහා පරිමාණ පිපිරවීම් පොළොව අභ්‍යන්තරයේ ඇති භූ තැටි වලට බලපෑම් එල්ල කළ හැකි බව පේරාදෙණිය විශ්ව විද්‍යාලයේ හිටපු උප කුලපති සහ භූගර්භ විද්‍යා අංශයේ ජේෂ්ඨ මහාචාර්ය අතුල සේනාරත්න මහතා පවසයි .

මුලතිව් සිට යාපනය දක්වා ධාවනය වූ ලං ග ම බස් රථයකට අද (25) උදෑසන කාලයේදී මුලතිව් සෙල්වපුරම් ප්‍රදේශයේදී එල්ල වූ ගල් ප්‍රහාරයක් හේතුවෙන් බස් රථයේ රියදුරු තුවාල ලබා ඇතැයි මුලතිව් පොලීසිය පැවසීය.

හපුතලේ ප්‍රදේශයට ඇදහැලුණු ධාරානිපාත වර්ෂාවත් සමඟ පැවැති අකුණු ගැසීම හේතුවෙන් කම්පනයට පත් වූ දඹේතැන්න මහකන්ද ප්‍රදේශයේ කාන්තාවන් තිදෙනෙකු ඊයේ 24 රාත්‍රී හපුතලේ පංකැටිය දිසා රෝහලට ඇතුළත් කළ බව පොලිසිය කියයි.

ලංකාවේ ස්ථාවරත්වය හා පාලනය ශක්තිමත් කිරීම වෙනුවෙන් ආසියානු සංවර්ධන බැංකුවෙන් ඩොලර් මිලියන 350ක ප්‍රතිපත්තිමය පදනම් කරගත් ණය මුදලක් හා ඇමෙරිකානු ඩොලර් මිලියන 1.5ක තාක්ෂණික සහාය ආධර මුදලක් ලබා ගැනීමට ජනපති රනිල් වික්‍රමසිංහ මහතා ඉදිරිපත් කළ කැබිනට් පත්‍රිකාවට අනුමැතිය ලැබී තිබේ.

මූල්‍ය අංශයේ ආරක්ෂණ ජාල ව්‍යාපෘතිය සඳහා ලෝක බැංකුවෙන් ඇමෙරිකානු ඩොලර් මිලියන 150ක ණය මුදලක් ලබා ගැනීම සඳහා ජනපති රනිල් වික්‍රමසිංහ මහතා ඉදිරිපත් කළ යෝජනාවට කැබිනට් අනුමැතිය ලැබී තිබේ. තැන්පතු ආරක්ෂණ ජාලය වෙනුවෙන් මෙම අරමුදල් යොදා ගැනීමට අපේක්ෂා කරයි.

මේ අනුව නීති විරෝධී ලෙස විදේශ රැකියා ව්‍යාපාරයට ඇතුළත්ව ඇති පාර්ශ්වයන්ට එරෙහිව නීතිමය පියවර ගැනීමටත්, උප නියෝජිතයන් විදේශ රැකියා රැකියා බදවා ගැනීම නියාමනය කිරීමටත්, විගමනික ශ්‍රමිකයන් අනතුරට පත්කරන මහා පරිමාණ අක්‍රමිකතා දූෂණ මැඩලීමටත් හැකිවන පරිදි මෙසේ පනත සංශෝධනය කිරීමට නියමිතය.

නුවරඑළිය සංවර්ධනය විධිමත් කිරීමට මෙන්ම එහි මනස්කාන්ත පරිසරය ආරක්ෂා කිරීම වෙනුවෙන් මහල් හතරකට වඩා උස් ගොඩනැගිලි ඉදිකිරීම තහනම් කිරීමට කැබිනට් අනුමැතිය ලැබි තිබේ.

ශ්‍රී ලංකාව තුළ ආර්ථික අර්බුදයක් පැවැතියත් එම තත්ත්වය ඉක්මණින්ම මඟහරවා රට යථා තත්ත්වයට ගෙන ඒමට වර්තමානයේ ගෙන ඇති පියවර තුළින් ශ්‍රී ලංකා රජයට හැකියාව ඇති බව යුරෝපා සංගමයේ ශ්‍රී ලංකා හා මාලදිවයින් තානාපති ඩෙනිස් චයිබි මහතා පැවසීය.

සබරගමුව, මධ්‍යම, උතුරු-මැද,ඌව හා වයඹ පළාත්වලත් ත්‍රිකුණාමලය හා මුලතිව් දිස්ත්‍රික්කවලත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවන බවත් ඇතැම් ස්ථානවලට මිලි මීටර් 50ට වැඩි තරමක් තද වැසි අපේක්ෂා කරන බවත් කාලගුණ විද්‍යා දෙපාර්තමේන්තුව දන්වා සිටියි.

ශ්‍රී ලංකා වේලාවෙන් අද පෙරවරු 1.30ට පමණ දකුණ සුමාත්‍රාවට රික්ටර් මාපකයේ 6.7ක ප්‍රභල භූකම්නයක් සිදුව ඇති බව කාලගුණ විද්‍යා දෙපාර්තමේන්තුව පවසයි.

ශ්‍රී ලංකා වේලාවෙන් අද පෙරවරු 1.30ට පමණ දකුණ සුමාත්‍රාවට රික්ටර් මාපකයේ 6.7ක ප්‍රභල භූකම්නයක් සිදුව ඇති බව කාලගුණ විද්‍යා දෙපාර්තමේන්තුව පවසයි.

ආරක්ෂක හේතූන් මත කොළඹ කොටුව ජනාධිපති මන්දිරය සහ ජනාධිපති ලේකම් කාර්යාලය කෝට්ටේ ශ්‍රී ජයවර්ධනපුර පාර්ලිමේන්තුව ආසන්නයට රැගෙන යාමේ සැලසුමක් සම්බන්ධයෙන් රජයේ අවධානය මේ වන විට යොමු වී ඇතැයි අභ්‍යන්තර ආරංචි මාර්ග සඳහන් කරයි.

ආණ්ඩුව ක්‍රියාත්මක කරනප්‍රජාතන්ත්‍ර විරෝධී කටයුතුවලට එරෙහිව විපක්ෂයේ පක්ෂ සහ කණ්ඩායම් එක්ව පොදු වැඩපිළිවෙලක් යටතේ දැවැන්ත බලවේගයක් නිර්මාණය කිරීම සඳහා මුලපිරීම ඊයේ (24දා) සිදුවිය.

අංක 466 , ගාලු පාර , කොළඹ 03 . ලිපිනයේ මෙම ඇමතුම් මධ්‍යස්ථානය පවත්වාගෙන යන අතර 0773679122 / 07775 28 588/ 0777719558 යන දුරකථන අංක වලට ඇමතීමෙන් වෛද්‍ය උපදෙස් ලබා ගත හැක.

පවතින තත්ත්වය යටතේ කිසිසේත්ම ප්‍රවාහන ගාස්තු නඩු කළ නොහැකි බව සමස්ත ලංකා අන්තර් පළාත් පාසල් ළමයි ප්‍රවාහන සංගමයේ සභාපති රුවන් ප්‍රසාද් මහතා අද (24) උදේ අම්බලන්ගොඩ පැවති මාධ්‍ය හමුවකදී කීවේය.

2023 වර්ෂයේ පළමු කාර්තුව තුළ රුපියල් මිලියන 316,619ක බදු ආදායමක් රැස්කර ඇති බව දේශීය අදායම් දෙපාර්තමේන්තුව පවසයි.

ජනාධිපති රනිල් වික්‍රමසිංහ මහතා ඇතුළු ආණ්ඩුව ජනතාවට දිගින් දිගටම චණ්ඩි පාට් දැමීමට ඉඩ ලබා දිය නොදෙන බව සමගි ජන බලවේගයේ පාර්ලිමේන්තු මන්ත්‍රී එස්.එම්.මරික්කාර් මහතා පැවසීය.කොළඹ විපක්ෂනායක කාර්යාලයේ අද (24දින) පැවති මාධ්‍ය හමුවකට එක්වෙමින් හෙතෙම මේ බව සඳහන් කළේය.

තරුණ පාසැල් සිසුවෙකුගේ නිරුවත් දර්ශන ලබාගැනීමට තැත්කල බවට සැකපිට සීදුව පොලිසිය මගින් අත්අඩංගුවට ගෙන අධිකරණය හමුවට පැමිණ වූ දේවගැතිවරයෙකු මෙම මස 28 දින දක්වා රක්ෂිත බන්ධනාගාරගත කරන ලෙස මිගමුව වැඩ බලන මහේස්ත්‍රාත් නෙල්සන් කුමාරනායක මහතා 23 දින නියෝග කළේය.

පසුගියදා මෙල්බන් ගුවන්තොටුපොළේදී රඳවා තැබූ ගුවන් යානය සහ යළි මෙරටට එවීමට සිදුවූ ඩුබායි සඳහා පරිහරණය කළ ගුවන් යානය සම්බන්ධයෙන් පරීක්ෂණ ආරම්භ කර ඇතැයි වරාය, නාවික හා ගුවන් සේවා අමාත්‍ය නිමල් සිරිපාල ද සිල්වා මහතා ප්‍රකාශ කළේය.

නිසි ප්‍රසම්පාදන ක්‍රියා මාර්ග අනුගමනය කරමින් කල් ඇතුව සැලසුම් සකස් කොට සෞඛ්‍ය අමාත්‍යාංශය මගින් ඖෂධ මිලදී ගැනීම සිදු කරනවා වෙනුවට විටින් විට විවිධ ඖෂධ හිග නිර්මාණය වීමට ඉඩ සැලැස්වීම හරහා නියමිත ප්‍රසම්පාදන ක්‍රියාමාර්ග වලින් පරිබාහිරව ද ඖෂධ නියාමන අධිකාරියේ නිසි අවසරයකින් තොරව ඖෂධ මිලදී ගැනීම සඳහා සෞඛ්‍ය අමාත්‍යාංශය උත්සාහ කිරීම නිසා ප්‍රතිජීවක ඖෂධ හිඟයක් පවා නිර්මාණය වීමේ අවදානමක් ඇතැයි ද වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්

කොලොන්නාව 132 KV විදුලි උපපොළේ කේබල් පිපිරීමක් සහ බිඳවැටීමක් හේතුවෙන් කොළඹ 4, 5, 7, 8, 10, 12 සහ තදාසන්න ප්‍රදේශවල ප්‍රදේශ කිහිපයක හදිසි විදුලිය ඇණහිටීමක් පිළිබඳව විදුලිබල මණ්ඩලය දැනුම් දී ඇතැයි විදුලි බල හා බලශක්ති අමාත්‍ය කංචන විජේසේකර මහතා සිය ට්විටර් ගිණුමෙන් පවසයි. මේ වන විට කොළඹ 4, 5 සහ 7 ප්‍රදේශවලට විදුලිය යථා තත්ත්වයට පත් කර ඇති බවද ඔහු සඳහන් කළේය.

මොරගහකන්ද ජාලාශ බැම්මේ රාජකාරියේ යෙදි සිටි හමුදා සෙබලෙකු ඊයේ (23) ජිවිතක්ෂයට පත්ව ඇතැයි නාඋල පොලිසිය කියයි.

පාසල්වල 2 ශ්‍රේණියේ සිට 11 ශ්‍රේණිය දක්වා (6 ශ්‍රේණිය හැර) පන්ති සඳහා සිසුන් ඇතුළත් කිරීමට අපේක්ෂා කරන අයදුම්කරුවන් අදාළ අයදුම්පත් පාසල්වලට ලියාපදිංචි තැපෑලෙන් යොමු කළ යුතුව ඇතැයි අධ්‍යාපන අමාත්‍යාංශය පවසයි