චිනවරාය ගුවන් හමුදා කදවුරේදි ආධුනික ගුවන සෙබලියක් අපයෝජනයට ලක් කළ බව කියන ගුවන් හමුදා විංග් කොමාණ්ඩර්වරයෙකු හා එයට ආධාර අනුබල දුන් ගුවන් හමුදා කෝප්‍රල්වරයෙකු ලබන ජනවාරි 02 දක්වා රක්ෂිත බන්ධනාගාර ගත කරණ ලෙස ඊයේ (20) ත්‍රිකුණාමලය අතිරේක මහේස්ත්‍රාත් දර්ශණි අන්නාතුරෙයි මෙනවිය පොලිසියට නියම කලාය.

ශ්‍රී ලංකාවේ ආර්ථික වර්ධනය වේගවත් කිරීම සඳහා පුළුල් උපාය මාර්ගික ක්‍රියාවලියක් මත කටයුතු කළ යුතු බව ජනාධිපති රනිල් වික්‍රමසිංහ මහතා පැවසීය.

හෙට (22දා) උතුරු, නැගෙනහිර හා උතුරු මැද පළාත්වලත් මාතලේ හා බදුල්ල දිස්ත්‍රික්කවත් වැසි ස්වල්පයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

පීලි පැනිමට ලක් වු ටිකිරි මැණිකේ දුම්රිය පීලි ගත කිරිමේ කටයුතු නාවලපිටිය දුම්රිය මාර්ග නඩත්තු අංශයේ සේවකයින් විසින් මේ වන විට ආරම්භ කර ඇති අතර , දුම්රිය මැදිරි පීලිගත කරන තෙක් කොළඹ කොටුව සිට බදුල්ල දක්වා ධාවනය කරන දුම්රියන් හැටන් දුම්රිය ස්තානය දක්වාත් , බදුල්ලේ සිට කොළඹ කොටුව දක්වා ධාවනය කරන දුම්රියන් කොටගල දුම්රිය ස්ථානය දක්වාත් ධාවනය කරන බව නාවලපිටිය දුම්රිය පාලක මැදිරිය පැවසිය.

අසනීප තත්ත්වයක් හේතුවෙන් මේ වන විට කලුබෝවිල රෝහලේ ප්‍රතිකාර ලබමින් සිටින ජනප්‍රිය ගායන ශිල්පී චාමර වීරසිංහ මහතාගේ සුවදුක් බැලීම වෙනුවෙන් මේ දින කිහිපයේදි කලුබෝවිල රෝහලට පැමිණීමෙන් වළකින ලෙස ඔහුගේ සමාජ මාධ්‍ය ගිණුම් හරහා රසිකයන් පණිවිඩයක් ලබා දී තිබේ.

වනය නිසාම ඔවුන්ගේ ජීවිකාව ඉදිරියට ගෙන යෑමට හැකියාව ලැබුණොත් ඔවුන්ම වනය ආරක්ෂා කරනවා. වනය මායිමේ ජීවත් වන ජනතාවට වනයෙන් ලබාගත හැකි ද්‍රව්‍ය තිබෙනවා. ඔවුන්ට එම ද්‍රව්‍ය ලබා ගැනීමට අවසර ලබා දුන්නොත් වනය ද ආරක්ෂා කර ගන්න පුළුවන්. විශේෂයෙන් හරිත සංචාරක ව්‍යාපෘති වෙනුවෙන් ද විශාල වැඩකොටසක් කිරීමට හැකියාව තිබෙනවා. පරිසරය අලෙවි කළොත් මේ රටට ඩොලර් විශාල ප්‍රමාණයක් ගෙන එන්න පුළුවන්.

වැටලීම කල පොලිස් නිලධාරීන් සුඛෝභෝගී නිවස තුළ රැඳී සිටින අවස්ථාවේදී ඩුබායි රාජ්‍යයේ සිට රෝමින් තාක්ෂණය ඔස්සේ නිවසට දුරකථන ඇමතුමක් ලබාගෙන ට වැටලීම සිදු නොකරන ලෙසත් රුපියල් කෝටි 10 අධික වටිනාකමින් යුතු නිවස සහ කෝටි 2 අධික වටිනාකමින් යුතු මෝටර් රථය සම්බන්ධයෙන් විමර්ශනය නොකරන ලෙස ඩුබායි සැඟව සිටින සංවිධානාත්මක අපරාධකරුවන ’’සනා’’ හඬා වැලපෙමින් ආයචනා කළ බව පොලිස් නිලධාරියෙකු පැවසීය.

දිඹුලාගල කඳුවැටියෙන් හමු වූ මෙතක් ශ්‍රී ලංකාවෙන් හමුවූ විශාලතම සෙල්ලිපිය බවට සැලකෙන ‌සෙල්ලිපිය විනාශ වී යාමට පෙර එය සංරක්‍ෂණය කර කඩනිමින් මහජනතාවට නැරඹීමේ අවස්ථාව උදාකර දෙන ලෙස ඓතිහාසික දිඹුලාගල ආරණ්‍ය සේනාසනාධිපති දිඹුලාගල රාහුලාලංකාර නාහිමියන් අදාළ බලධාරීන්ගෙන් ඉල්ලා සිටිති.

2023 වර්ෂයේ රජයේ පාසල්වල හා රජයේ අනුමත පෞද්ගලික පාසල්වල 2023 වර්ෂයේ තෙවන පාසල් වාරයේ පළමු අදියර 2023.12.22 වන සිකුරාදා දින අවසන් බව අධ්‍යාපන අමාත්‍යංශය පවසයි. එසේම තෙවන පාසල් වාරයේ දෙවන අදියර 2024.02.01 වන බ්‍රහස්පතින්දා දින ආරම්භ වන බවද අධ්‍යාපන අමාත්‍යාංශය කියයි.

මෙරටින් හඳුනා නොගත් විශේෂිත වූ මත් පෙති දහ හතරක් සමග කාන්තාවක අත් අඩංගුවට ගත් බව කහතුඩුව පොලිසිය පවසයි.

නානුඔය සිට කොළඹ දක්වා ධාවනය වු ටිකිරි මැණිකේ මගි ප්‍රවාහන දුම්රිය හැටන් සහ කොටගල දුම්රිය ස්ථාන දෙක අතර පිහිටි සිංගිමලේ දුම්රිය උමං මාර්ගය අසල 109 ¼ සැතපුම් කණුව අසලදි පිලි පැනිම හේතුවෙන් උඩරට දුම්රිය මාර්ගයේ ගමනා ගමනයට බාධා පැමිණ ඇති බව නාවලපිටිය දුම්රිය පාලක මැදිරිය පැවසිය.

ව්‍යාජ විදෙස් ගමන් බලපත්‍ර, වීසා බලපත්‍ර සහ විදෙස් අනුග්‍රහ ලිපි කූඨ ලෙස සකස් කරන පන්නල ප්‍රදේශයේ නිවසක භූගත කාර්යාලයක් පවත්වා ගෙන යමින් සිටි පුද්ගලයන් දෙදෙනෙකු සමග ඒවා සකස් කිරීමට යොදා ගෙන තිබූ යන්ත්‍ර ද පොලිස් විශේෂ කාර්යය බළකා මූලස්ථාන කදවුරේ විශේෂ වැටලීම් අංශයේ නිලධාරීන් පිරිසක් සහ කටුනායක ආගමන විගමන දෙපාර්තමේන්තු දේශසීමා ආවේක්ෂණ ඒකකයේ නිලධාරීන් පිරිසක් විසින් 12/20 දින වටලා අත් අඩංගුවට ගෙන තිබේ.

ඉන්දියාවට පලා ගොස් සිටින ප්‍රධාන පෙළේ සංවිධානාත්මක අපරාධකරුවකු සහ මත්ද්‍රව්‍ය ජාවාරම්කරුවකු වන නලින් චතුරංග නොහොත් ලඩියා නැමැත්තාට අයත් පියල් දෙකෝටි පනස් ලක්ෂයකට ආසන්න වටිනා සුඛෝභෝගී බස්රථ දෙකක් සිය භාරයට ගත් බව නීති විරෝධී වත්කම් විමර්ශන කොට්ඨාසය කියයි.

එම දේපළ අතර තිබූ රුපියල් කෝටි තුනකට ආසන්න වටිනා පර්චස් දහයක භූමියක ඉදිකර තිබූ තෙමහල් ගොඩනැගිල්ලට මුද්‍රා තැබූ බවද පොලිසිය සඳහන් කරයි පොලිස් භාරයට ගත් අනෙකුත් දේපළ අතර සුඛෝභෝගී මෝටර් රථයක් යතුරුපැදි තුනක් , පවුම් පනහක රන් ආභරණ , රුපියල් එක් ලක්ෂ 1 25000ක මුදලක් ,පර්චස් දහය බැගින් වූ ඉඩම් කැබලි තුනක් දර්ශන නිලධාරීන් සිය භාරයට ගෙන ඇත

ලංකා විදුලි බල මණ්ඩලයේ කිසිම සේවකයෙක් වෙනුවෙන් 2023 වසරට අදාළව ප්‍රසාද දීමනා, වෙනත් දිරි දීමනා හෝ වැඩිපු වර්ධක ලබා නොදීමට විශයභාර අමාත්‍ය කංචන විජේසේකර මහතා ආයතනයේ පරිපාලනයට ලිපියක් මගින් දන්වා තිබේ.

කටුනායක ගුවන් තොටුපොළෙන් මාළදිවයින බලා 12/20 දින උදෑසන පිටත් වූ ශ්‍රී ලන්කන් ගුවන් යානය ඉන් ස්වල්ප වේලාවකට පසු කාර්මික දෝශයකට ලක් වීම නිසා ආපසු යළිත් කටුනායක ගුවන් තොටුපොළ වෙත ගොඩ බැස්සවීමට එම ගුවන් යානයේ නියමුවන් පියවර ගෙන ඇති බව ශ්‍රී ලන්කන් ගුවන් සේවයේ ආයතනික සන්නිවේදන අංශයේ කළමනාකරණ ප්‍රධානී දීපාල් පෙරේරා මහතා පැවසීය .

සබරගමුව පළාත් සභාව සහ British Council ඒකාබද්ධව රත්නපුර සහ කෑගල්ල දිස්ත්‍රික්ක දෙකේ ඉංග්‍රීසි භාෂාව ඉගැන්වීම් කරන ගුරුභවතුන් 755කට ඉංග්‍රීසි භාෂා ප්‍රගුණතා පාඨමාලාවක් ආරම්භ කළ බව සබරගමුව පළාත් ආණ්ඩුකාර අධිනීතිඥ නවින් දිසානායක මහතා ඊයේ (20දා) සඳහන් කළේය.

රටවල් කිහිපයක ව්‍යාප්ත වී ඇති ‘JN වන්’ නව කොවිඩ් උපප්‍රභේදය හේතුවෙන් මහජන සෞඛ්‍යයට එල්ල වන බලපෑම අවම මට්ටමක පවතින බව ලෝක සෞඛ්‍ය සංවිධානය නිවේදනයක් නිකුත් කරමින් සඳහන් කරයි.

ම්රියක් පීලි පැනීමකට ලක්වී තිබේ. නාවලපිටිය සිට මහනුවර බලා ධාවනය වන කර්යාල දුම්රියක් නාවලපිටිය හා උලපනේ දුම්රිය ස්ථාන අතරදී මෙලෙස පිලී පැනීමකට ලක්වී ඇත.

ඉන්ධන පිරවුම්හල්වලට දැනට හිමිවන කොමිස් මුදලින් සියයට 35ක් නඩත්තු ගාස්තු ලෙස සංස්ථාව යළි අයකර ගැනීමට සුදානම් වීම හේතුවෙන් සිපෙට්කෝ ඉන්ධන හල් වැසීයාමේ අවදානමක් මතුව ඇති බව ඉන්ධන බෙදුම්කරුවන්ගේ සංගමය පවසයි.

තමන් නායකත්වය දෙන ශ්‍රී ලංකා පොදුජන පෙරමුණ ආණ්ඩුවේ කොටසක් වුවද වත්මන් ආණ්ඩුවේ ප්‍රධානියා මෙන්ම රාජ්‍ය නායකයා තම පක්ෂයයේ ප්‍රතිපත්ති වලට වඩා වෙනස් ප්‍රතිපත්තියක් අනුගමනය කරන වෙනත් දේශපාලන පක්ෂ නායකයෙක් බවත් රට අරාජික තත්ත්වයක පත්වීමේ තර්ජනයක් පැවැති අවස්ථාවක හිටපු ජනාධිපති ගෝඨාභය රාජපක්ෂ මහතාගේ ධූර කාලයේ ඉතිරි කාලය තුල රට පාලනය කිරීම සඳහා අනුප්‍රාප්තික ජනාධිපතිවරයා වශයෙන් වත්මන් ජනාධිපතිවරයා රටේ නීතිය හා සාමය ඉතා සාර්ථකව යථා තත්ත්වයට පත් කල බව හිට

කොලොන්නාව උමගිලිය ක්‍රීඩාංගනය අසලදී කායවර්ධන උපදේශක වරයෙකුට වෙඩි තබා ඝාතනය කිරීමට පැමිණි සංවිධානාත්මක අපරාධ කල්ලි සාමාජිකයා වන ’’කොළොන්නාවේ චතු’’ නැමැත්තා අත්අඩංගුවට ගත් බව බස්නාහිර පළාත් දකුණ දිසාව අපරාධ කොට්ඨාසය කියයි

කටාර් රාජ්‍යය සහ මෙරට අතර ක්‍රියාත්මක මහා පරිමාන මත්ද්‍රව්‍ය ජාවරමකට සම්බන්ද මහ මොලකරුවෙකු වන අළුබෝමුල්ලේ පිංකි නැමැත්තා ඇතුළු ජාවාරමට සම්බන්ද පුද්ගලයන් සිව්දෙනෙකු අත්අඩංගුවට ගත්බව අළුබෝමුල්ල පොලිසිය පවසයි .

පවතින වැසි තත්ත්වයේ තාවකාලික අඩුවීමක් අද (20දා) දින සිට ඉදිරි දිනවල සිදුවිය හැකි බව කාලගුණ විද්‍යා දෙපාර්තමේන්තුව සඳහන් කරයි.

‍සෞඛ්‍ය අමාත්‍යාංශයේ අතිරේක ලේකම් වෛද්‍ය සමන් රත්නායක මහතාගේ කාර්යාලය අපරාධ පරීක්‍ෂණ දෙපාර්තමේන්තු නිලධාරීන් විසින් ඊයේ (19) පැය පහක පමණ කාලයක් විශේෂ පරීක්‍ෂාවකට ලක්කෙරිණි.

පොලීසිය ක්‍රියාත්මක කරන යුක්තියේ මෙහෙයුමට අදාළව පෙරේදා දිනයේදී සැකකරුවන් 2078ක් හා සැකකාරියන් 88ක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

මත්ද්‍රව්‍ය කිලෝ 100 විනාශ කිරීමට ශ්‍රේෂ්ඨාධිකරණයෙන් අවසර ලැබුන බවත්, ඒ අනුව එම මත්ද්‍රව්‍ය කිලෝ 100 විනාශ කිරීමට දින යොදා තිබෙන බවට අධිකරණ අමාත්‍යංශය රට තුළ සීඝ්‍ර ලෙස පැතිරෙමින් පවතින මත්ද්‍රව්‍ය උවදුර වහා පාලනය කොට මුලිනුපුටා දැමීම සඳහා ක්‍රියාත්මක කළ යුතු ක්‍රම වේද පිලිබඳව සොයා බලා ඒ පිළිබඳව නිරික්ෂන හා නිර්දේශ පාර්ලිමේන්තුවට ඉදිරිපත් කිරිම සඳහා වන පාර්ලිමේන්තු විශේෂ කාරක සභාවේදී පැවසීය.

ශ්‍රි ලංකා ක්‍රිකට් නවක වේග පන්දු යවන ක්‍රීඩක නුවන් තුශරව මෙවර IPL වෙන්දේසියේදී මුම්බායි ඉන්දියන්ස් කණ්ඩායම විසින් මිලදීගෙන තිබේ.

කම්කරු හා විදේශ රැකියා අමාත්‍යවරයාගේ ලේකම්වරුන් ලෙස අගවමින් දිවයිනේ විවිධ ප්‍රදේශවල පුද්ගලයින් ඊශ්‍රායලයේ රැකියා ලබාදීම සඳහා වංචනික අයුරින් මුදල් ලබාගන්නා බව අමාත්‍ය මනුෂ නානායක්කාර මහතා ප්‍රකාශ කළේය.