සෞඛ්‍ය අමාත්‍යංශය මගින් සිදු කළ ඖෂධ හදිසි මිලදී ගැනීම් සම්පූර්ණයෙන් නවතා දමා තිබෙන බවත් ටෙන්ඩර් පටිපාටිය මගින් පමණක් ඖෂධ මිලදී ගැනීම්සිදු කරන අතරඑහි පූර්ණ වගකීම ඖෂධ නියාමන අධිකාරියට පවරා තිබෙන බව සෞඛ්‍ය අමාත්‍යංශයේ ලේකම් පාලිත මහීපාල පවසයි.

උත්සව සමයේ අවශ්‍යතා සදහා තවත් බිත්තර මිලියන 42ක් පමණ ආනයනය කිරීමට කැබිනට් අනුමැතිය ලැබි තිබේ.

ඉන්දියාවේ බැංගලෝර් නුවර බලා කටුනායක ගුවන් තොටුපොළෙන් 03/19 දින අලුයම පිටත්ව ගිය ශ්‍රී ලන්කන් ගුවන් යානය කාර්මික දෝශයකට ලක් වීම නිසා විනාඩි 40 ක ගුවන් ගමනකින් පසුව ආපසු යළිත් කටුනායක ගුවන් තොටුපොළ වෙත ගොඩ බැස්සවීමට සිදු වූ බව ශ්‍රී ලන්කන් ගුවන් සේවයේ ආයතනික සන්නිවේදන අංශයේ ප්‍රධානී දීපාල් පෙරේරා මහතා පැවසීය .

ඉන්දියානු රාජ්‍ය බැංකුව විසින් ලබාදෙන ඇමරිකානු ඩොලර් මිලියන 1000ක ණය පහසුකම යටතේ ඇමරිකානු ඩොලර් මිලියන 17ක සීමාවකට යටත්ව, අාගමික ස්ථාන වල පියැසි පාදක සූර්ය විදුලිබල පද්ධති ක්‍රියාත්මක කිරීම සදහා 2024-01-08 දින පැවති අමාත්‍ය මණ්ඩල රැස්වීමේදී අනුමැතිය හිමිවිය.

ලංකා ඛනිජ තෙල් නීතිගත සංස්ථාව යටතේ පවතින සපුගස්කන්ද තෙල් පිරිපහදුව ඉන් ඉවත් කර‌ වෙනමම රාජ්‍ය ව්‍යවසායක් වශයෙන් ‌පවත්වාගෙන යාමට විදුලි බල හා බලශක්ති අමාත්‍ය කංචන විජේසෙකර මහතා ඉදිරිපත් කළ කැබිනට් පත්‍රිකාවට අනුමැතිය හිමිව තිබේ.

රජරට විශ්ව විද්‍යාලය සිදු කල පර්යේෂණයක ප්‍රතිඵලයක් ලෙස සර්කෝනියම් නිෂ්පාදනයට පේටන්ට් බලපත්‍රය හිමිව ඇති බව රජයේ විශ්ව විද්‍යාල උපකුලපති සංගමයේ සභාපති සහ රජරට විශ්ව විද්‍යාලයේ උපකුලපති මහාචාර්ය සංජීවනී ගිනිගද්දර පැවසුවාය.

ශ්‍රී ලංකා පොදුජන පෙරමුණ පක්ෂය තුළින් පාර්ලිමේන්තුවට තේරීපත්වූ පාර්ලිමේන්තු මන්ත්‍රී මහාචාර්ය චරිත හේරත් මහතා කෝප් කමිටුවේ සාමාජිකත්වයෙන් ඉල්ලා අස්වීමට තීරණය කර තිබේ.

පාර්ලිමේන්තු මන්ත්‍රී දයාසිරි ජයසේකර මහතා කෝප් කමිටුවේ සාමාජිකත්වයෙන් ඉල්ලා අස්විම සම්බන්ධ ලිපිය කතානායක මහින්ද යාපා අබේවර්ධන මහතා වෙත යොමු කර තිබේ

2024 යල කන්නය වෙනුවෙන් වී ගොවීන් සඳහා හෙක්ටයාරයකට රු 15000 බැගින් උපරිමය හෙක්ටයාර දෙකක් දක්වා පොහොර සහනාධාරය ලබාදීමට කැබිනට් මණ්ඩලයේ අනුමැතිය හිමිව තිබේ. මෙම මුදල් සෘජුවම ගොවීන්ගේ ගිණුම් වෙත බැර කරන බව රජය නිවේදනය කරයි.

දැනට වසරක පමණ කාලයක සිට සිංහරාජය වනාන්තරය ආශ්‍රිතව ජීවත්වන අලීන් දෙදෙනාගෙන් දැනට නිරීක්ෂණය වන්නේ එක අලියකු පමණක් බව සිංහරාජ වන ජීවී කාර්‍යාලයේ වනජීවී නිලධාරී සරත් විජේතුංග මහතා ප්‍රකාශ කළේය .

දිස්ත්‍රික්ක 25ක පවුල්හි මිලියන මිලියන 2.74ක පමණ ප්‍රමාණයක් ආවරණය වන පරිදි එක් පවුලක් සදහා මාසයකට නාඩු සහල් කිලෝග්‍රෑම් 10 බැගින් මාස දෙකක කාලයක් සඳහා ලබාදීමට ජනපති රනිල් වික්‍රමසිංහ මහතා ඉදිරිපත් කළ කැබිනට් පත්‍රිකාවකට අනුමැතිය ලැබී තිබේ.

දිවයිනේ දකුණු අර්ධයේ වියළි කාලගුණය තාවකාලික ‌ෙවනසක් හෙට දිනෙන් පසු අපේෂා කල හැක. නැගෙනහිර පළාතේ වැසි ස්වල්පයක් ඇතිවිය හැක.

ඉංගිරිය පදිංචි ගව හිමියෙකුට අයත් ගවයින් සත් දෙනෙකු මෙලෙස නැතිවී තිබූ අතර, ගව හිමියාට ලැබුණු තොරතුරක් මත ඔහු ඉංගිරිය පොලිසිය ඒ සම්බන්ධයෙන් දැනුවත් කිරීමට ක්‍රියා කර ඇත.

දොඹගහවෙල පොලිස් වසමට අයත් ඇලේලන්ද ප්‍රදේශයේ කාන්තාවක් කැබ්රථයක නංවාගෙන ඇයට ලිංගික අතවරකර ගෙල බැඳි රන්මාලයක් මංකොල්ලකෑමේ සිද්ධියක් සම්බන්ධයෙන් තරුණයෙකු දොඹගහවෙලා පොලීසිය මඟින් ඊයේ (18) වෙනිදා අත්අඩංගුවටගෙන ඇත.

ඉකුත් අරගල භුමියේ ප්‍රසිද්ධියට පත්ව සිටි ජින් ඇන්ටි නමැත්තියගේ රුපියල් එක් ලක්ෂ පනස්නවදහසක මුදලක් හා ජංගම දුරකථනයක් සොරකම් කිරීම සම්බන්ධව ඇය විසින් සිය සැමියාට එරෙහිව පවරා තිබෙන නඩුව ඊයේ (18 වැනිදා) මහර අංක 01 මහේස්ත්‍රාත් අධිකරණයේ මහේස්ත්‍රාත් කාංචනා ද සිල්වා මහත්මිය හමුවේ නැවත කැඳවු අවස්ථාවේ මේ සම්බන්ධව සැමියා සමග සමථයකට පත් වී සිටින නිසා එම නඩුව ඉදිරියට පවත්වා ගෙන යාමට අවශ්‍ය නොවන බවට පැමිණිලිකාර ජින් ඇන්ටි අධිකරණයෙන් ඉල්ලා සිටින ලදී.

සැකකරු යුද හමුදාවෙන් ඉවත්වීමෙන් පසු දෙමටගොඩ ප්‍රදේශයේ පෞද්ගලික ආයතනයක සේවය කරමින් සිටින අතරතුර සංවිධානාත්මක අපරාධ කල්ලි සාමාජිකයන්ගේ ඇසුරට පත්වීමෙන් පසු ඔහු හෙරොයින් මත්කුඩු ජාවාරමට යොමු වී ඇති අතර, හෙරොයින් මත්කුඩු භාවිතයටද ඇබ්බැහි වී ඇති බව පොලිස් විමර්ශනවලදී අනාවරණය වී තිබේ.

ළමයින් හැර රැඳවියන් ප්‍රවාහනය කිරීමට කිසිසේත් මෙම වෑන් රථය යොදා නොගත යුතු බවට වෑන් රථය බන්ධනාගාරයට පරිත්‍යාග කිරීමේදී එක්සත් ජාතීන්ගේ ළමා අරමුදල පනවා තිබූ කොන්දේසියද උල්ලංඝනය කරමින් බන්ධනාගාර කොමසාරිස් ජනරාල්වරයාගේ වුවමනාව මත කෙහෙළිය රඹුක්වැල්ල මහතා උසාවියට ගෙන ඒමට මෙම වෑන් රථය යොදාගෙන ඇති බවට ලැබුණු පැමිණිල්ලකට අනුව රහස් පොලීසිය මෙම විමර්ශන ආරම්භ කර ඇත.

දකුණු පළාත් අධ්‍යාපන අමාත්‍යාංශයේ ලේකම් රංජිත් යාපා මහතාගේ අත්සනින් නිකුත් කර ඇති මෙම චක්‍රලේඛය දකුණු පළාතේ පළාත් අධ්‍යාපන අධ්‍යක්ෂ වෙත සහ සියලුම කලාප හා කොට්ඨාස අධ්‍යාපන අධ්‍යක්ෂවරුන් හා විදුහල්පතිවරුන් වෙත යොමුකළ බව එම අමාත්‍යාංශය පැවසීය.

රුහුණු මහා කතරගම දේවාලයේ ප්‍රධාන කපු මහතා හා තවත් කපු මහතාගේ කපු ධුරය අත්හිටුවීමට රුහුණු මහා කතරගම දේවාලයේ බස්නායක නිලමේ ඩිෂාන් ගුණසේකර මහතා කටයුතු කර තිබේ.

කරුවලගස්වැව පොලිස් වසමට අයත් තබ්බෝව ජලාශයේ දිය නෑමට ගිය බව කියන ශීෂ්‍ය භික්ෂූන්වහන්සේ නමක් 18 දින සවස දියේ ගිලී සිටියදී ගොඩට ගෙන රෝහල් ගතකරන විටත් අපවත් වී ඇති බව මූලික විමර්ශනවලදී අනාවරණයවී යැයි කරුවලගස්වැව පොලීසිය කියයි.

ටෙස්ට් ක්‍රිකට් ක්‍රීඩාවෙන් සමුගෙන සිටින දඟ පන්දු යවන තුන් ඉදිරියව් ක්‍රීඩක වනිඳු හසරංග නැවතත් ටෙස්ට් සංචිතයට කැඳවා තිබේ. ඒ බංග්ලාදේශය සමගින් පැවැත්විමට නියමිත තරග දෙකකින් යුත් ටෙස්ට් සංචිතයට ඔහු ඇතුළත් කරමිනි.

අක්කර භාගයක මිරිස් වගාවෙන් මාස නවයක් තුළදී රුපියල් මිලියන 12ක ආදායමක් ඉපැයූ අනුරාධපුර තිරප්පනේ පුලියන්කුලම ග්‍රාමයේ තරුණ ගොවි මහතෙකු වු බන්දුල මුණසිංහ මහතා සහ අක්කරයක කොමඩු වගාවෙන් මාස දෙකකින් රුපියල් මිලියන4ක ආදායමක් ඉපැයූ ගල්කුලම ප්‍රදේශයේ පදිංචි බුද්ධික සුදර්ශන තරුණ ගොවි මහතා අද (18) පස්වරුවේ ජනාධිපති කාර්යාලයේ දී ජනාධිපති රනිල් වික්‍රමසිංහ මහතා හමු විය.

මෙම සතියේ ලංකා විදුලබල මණ්ඩලය සහ රාජ්‍ය වැවිලි සංස්ථාව පොදු ව්‍යාපාර කාරක සභාව(කෝප්) හමුවට කැඳවා තිබේ

මේ දිනවල පවතින අධික උෂ්ණත්වය හේතුවෙන් වික්ටෝරියා ජලාශයේ ජලය ලීටර් මිලියන 4.5 ක ප්‍රමාණයක් දෛනිකව වාෂ්ප වී යන බව එහි කාර්යභාර ඉංජිනේරු වසන්ත ඇහැළපිටිය මහතා කියයි.

වැඩ බලන පොලිස්පති දේශබන්ධු තෙන්නකෝන් මහතා පොලිස්පතිවරයා වශයෙන් පත්කිරීම නීතියට පටහැනි බවට ප්‍රකාශ කරන්නැයි ඉල්ලමින් හිටපු පාර්ලිමේන්තු මන්ත්‍රණී හිරුණිකා ප්‍රේමචන්ද්‍ර මහත්මියද තවත් පෙත්සමක් ශ්‍රේෂ්ඨාධිකරණයට ඊයේ (18) ඉදිරිපත් කළාය.

මහ බැංකුව වැඩිකරගත් සියයට 70ක වැටුප් වැඩිවීමෙන් සියයට 25ක් අඩු කර ගැනීමට තිරණය කළත් එය සිදුකරන්නේ මහ බැංකුවේ අත්තනෝමතික වැටුප් වැඩි කර ගැනිමට එරෙහි පනත සම්මත වීම වැළැක්වීමට යැයි පාර්ලිමේන්තු මන්ත්‍රි උදය ගම්මන්පිල මහතා පවසයි. කොළඹදී පැවැති මාධ්‍ය හමුවකට එක්වෙමින් ඔහු මේ බව පැවැසීය.

කටුනායක ප්‍රදේශයට මත්ද්‍රව්‍ය සැපයීම සහ බෙදාහැරීම සිදු කර ගෙන යමින් සිටි ප්‍රධාන ජාවාරම්කරු සමග ඔහු සන්තකයේ තිබූ රුපියල් ලක්ෂ 25 පමණ වටිනා මත්ද්‍රව්‍ය තොගයක් ද 03/17 දින රාත්‍රී කටුනායක පොලිසියේ අපරාධ විමර්ශන අංශයේ විදේශ නිලධාරීන් පිරිසක් විසින් සිදු කළ මෙහෙයුමක දී අත් අඩංගුවට ගෙන තිබේ.

පවතින අධික උෂ්ණත්වයෙන් පාසල් දරුවන් ආරක්ෂාකර ගැනීම උදෙසා පාසල්වල ක්‍රීඩා උත්සව අප්‍රේල් 24 න් පසු පැවැත්වීමට හැකිවන පරිදි කල් දමන ලෙස අධ්‍යාපන අමාත්‍යාංශය මගින් අද (18) දින නිකුත් කළ ලිපියකින් විදුහල්පතිවරුන්ට උපදෙස් දී තිබේ.

උඩරට දුම්රිය මාර්ගයේ සොඳුරු ගමනාන්තයක් වන ඇල්ල දුම්රිය ස්ථානයේ ජල සැපයුම දින හතරක පමණ කාලයක සිට ඇන හිටීම නිසා දෙසේ විදෙස් සංචාකරයෝ මෙන්ම දුම්රිය ස්ථානයේ කාර්යමණ්ඩලයද අපහසුතාවයට පත්ව සිටිති.