ඉස්ලාම් රාජ්‍ය ත්‍රස්ත සංවිධානකරුවන් නැවත රටට පිවිසිලා ද? යන්න පිළිබඳව ප්‍රශ්න කරන සමස්ත ලංකා ජම්ඉයියතුල් උලමා සංවිධානය සඳහන් කරන්නේ දැඩි පරීක්ෂාවක් යොදවා රටේ ආරක්ෂාව තහවුරු කිරීමට කටයුතු කරන ලෙස පොලිස්පතිවරයාගෙන් ඉල්ලා සිටින බවයි.

උසස් පෙළ උත්තර පත්‍ර සමීක්ෂණ මධ්‍යස්ථාන පිහිටුවා ඇත්තේ සීමිත ප්‍රමාණයක් බැවින් වැඩි දුරක් ගෙවා පැමිණෙන උත්තරපත්‍ර සමීක්ෂකවරුන්ට රුපියල් 2,000ක දෛනික දීමනාවක් ලබා දීමට කටයුතු කළ බව අමාත්‍ය සුසිල් ප්‍රේම්ජයන්ත මහතා පැවැසීය.

වාරිමාර්ග අමාත්‍යාංශයට අයත් වාහන 344ක් අමාත්‍යාංශය භාරයේ නොමැති බව ජාතික විගණන කාර්යාලය මගින් පසුගිය 24දා නිකුත් කර ඇති නවතම විගණන වාර්තාවක සඳහන් වේ.

මාර්ගගත වංචාවලින් ප්‍ර වේශසම් වන ලෙස ශ්‍රී ලංකා මහ බැංකුව ජනතාවගෙන් ඉල්ලා සිටියි.

ජනතා විමුක්ති පෙරමුණ පක්ෂයේ නම හා ලකුණ වෙනස්කර ඇත්තේ මිනිස් ඝාතන ඇතුළු ලෙයින් වැකුණු අපකීර්තිමත් ඉතිහාසය වත්මන් පරම්පරාවෙන් වසංකරගැනීම සඳහා යැයි මහනුවර දිස්ත්‍රික් පාර්ලිමේන්තු මන්ත්‍රී මහින්දානන්ද අලුත්ගමගේ මහතා පවසයි.

රුපියල් දෙකෝටි හැත්තෑ ලක්ෂයක් වටිනා රන් බිස්කට් 14 ක් නීතිවිරෝධී ලෙස තායිලන්තයේ සිට ශ්‍රී ලංකාවට රැගෙන ආ ව්‍යාපාරිකයෙකු ඊයේ (27දා) දින කටුනායක ගුවන් තොටුපොළ දී රේගු නිලධාරීන් පිරිසක් විසින් අත්අඩංගුවට ගෙන ඇති බව රේගු මාධ්‍ය ප්‍රකාශක සීවලී අරුක්ගොඩ මහතා පැවසීය.

දිවයිනේ නිරිත දිග කොටසේ වැසි තත්ත්වයේ තරමක වැඩිවීමක් අද (28දා) සිට ඉදිරි දින කිහිපයේදී බලාපොරොත්තුවන බව කාලගුණ විද්‍යා දෙපාර්තමේන්තුව පවසයි.

එම සීනු හා විදුලි පද්ධති සවිකර වසරක් ගතවීමට මත්තෙන් දුම්රිය පහළ මාර්ගයේ සවිකළ සීනු හා විදුලි පද්ධති 142න් 60ක්, පුත්තලම මාර්ගයේ සවි කරනු ලැබූ සීනු පද්ධති හා විදුලි පද්ධති 46න් 34ක් ඇතුළු සමස්ත සීනු හා විදුලි පද්ධති 94ක් ක්‍රියාවිරහිතව පැවතුණු බව විගණනය මගින් අනාවරණය කරඇත.

බලපිටිය රේවත ජාතික පාසලේ ප්‍රාථමික අංශය හදිසියේම අද (28) සහ හෙට (29) වසා දැමීමට පියවර ගත් බව එම විදුහල් බලධාරීහු පැවසූහ.

මිහින්තලේ පිහිටි රජරට විශ්ව විද්‍යාලයේ පිහිනුම් තටාකයේ දිය නෑමට ගිය විශ්ව විද්‍යාල සිසුවෙකු ඊයේ (27 දා) පස්වරුවේ දියේ ගිලී ජීවිතක්ෂයට පත්ව ඇති බව මිහින්තලේ පොලිසිය පවසයි.

කිසිදු හේතුවක් නොමැතිව අයාලේ යමින් සිටි කාන්තාවන් තිදෙනෙක් බියගම පේරගස්හංදියේදී ඊයේ (27දා) රාත්‍රී කාලයේදී අත්අඩංගුවට ගත් බව බියගම පොලීසිය පවසයි.

අස්වැසුම සමාජ ප්‍රතිලාභය සඳහා සුදුසුකම් ලැබූ ලක්ෂ 8ක් වෙනුවෙන් එම ප්‍රතිලාභය ගෙවීමට අවශ්‍ය මුදල් සුබ සාධක ප්‍රතිලාභය මණ්ඩලය විසින් බැංකු වෙත යොමුකර ඇති බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.

මාතර වෙරළ තීරයේ දී පොලිස් නිලධාරියෙකු වෙඩි තබාගෙන සියදිවි හානි කරගෙන තිබේ.

ලන්දේසීන් විසින් 1765 වසරේදී මහනුවර රජමාලිගය වටලන ලද අවස්ථාවෙහිදී මෙරටින් රැගෙන ගිය ඓතිහාසික වටිනාකමක් සහිත කෞතුක භාණ්ඩ රැසක් මෙරටට රැගෙන ඒම පිළිබඳව අද (28දා) ගිවිසුම් දෙකකට අත්සන් කරන බව බුද්ධශාසන, ආගමික හා සංස්කෘතික කටයුතු අමාත්‍යාංශය සඳහන් කරයි.

ෂි යෑන් 06 චීන පර්යේෂණ නෞකාවට මෙරටට පැමිණීම සඳහා ආරක්ෂක අමාත්‍යංශය අවසර ලබා දී තිබේ.

අස්වැසුම ප්‍රතිලාභය සඳහා හඳුනා ගත් පවුල් ලක්ෂ 15ක ප්‍රතිලාභීන් ගෙන්, පවුල් ලක්ෂ 8ක් සඳහා මුදල් බැංකු ගත කිරීම අද (28) සිදු කරන බවත්, එම මුදල් තම ගිණුම් තුළින් අඟහරුවාදා හෝ බදාදා දින සිට ලබා ගත හැකි බව මුදල් රාජ්‍ය අමාත්‍ය ශෙහාන් සේමසිංහ මහතා පැවසීය.

දිවයිනේ නිරිත දිග කොටසේ වැසි තත්ත්වයේ තරමක වැඩි වීමක් අද (28) දින සිට ඉදිරි දින කිහිපයේදී බලාපොරොත්තු විය හැකි බව කාලගුණ විද්‍යා දෙපාර්තමේන්තුව සඳහන් කරයි.

දින නියමයක් නොමැතිව වසා දමා තිබූ ඌව වෙල්ලස්ස විශ්වවිද්‍යාලයේ 2වන වසර සියලුම පීඨවල අධ්‍යයන කටයුතු යළි අද (28දා) සිට ආරම්භ කරන බව ඌව වෙල්ලස්ස විශ්වවිද්‍යාලයේ උපකුලපති මහචාර්ය ජයන්ත ලාල් රත්නසේකර මහතා පවසයි.

තම ගමන් බෑගය තුළ කඩුවක් සඟවාගෙන පෙරහර මාර්ගයට ඇතුළුවීමට උත්සාහ කළ පුද්ගලයෙකු පෙරහර ආරක්ෂක රාජකාරියේ නියුතු පොලිස් නිලධාරීන් විසින්අ ත්අඩංගුවට ගෙන තිබේ .

කවුරුන් විසින් මොන ආකාරයකට පැවුසුවත් මේ වන විට රට අසීරු තත්වයක ඇති බවත් මිලියන එකයි දසම හතරක රජයේ සේවකයන්ට වැටුප් ගෙවීම සදහාත් විශ්‍රාමිකයන් ලක්ෂ 6ට පමන වැටුප් ගෙවන්නටත් රාජ්‍ය ආයතන වලට මුදල් සොයාගැනිමටත් මහාභාන්ඩාගාරයට විශාල ප්‍රශ්නයක් ඇති බව පොදුජන පෙරමුණ පාර්ලිමේන්තු මන්ත්‍රී කෝප් කමිටුවේ සභාපති මහචාර්‍ය රංජිත් බංඩාර මහතා පැවසීය.

මහනුවර නගරයේ පෙරහැර සමයේ ඇතිවිය හැකි තත්වය සැලකිල්ලට ගෙන මහනුවර නගර සිමාවේ පාසල් පමණක් නැවත ආරම්භය සැප්තැම්බර් මස පළමු (1) දින සිදුකරන බව මධ්‍යම පළාත් ආණ්ඩුකාරවර නීතිඥ ලලිත් යු. ගමගේ මහතා දැනුම්දෙයි.

ආසියානු ක්‍රිකට් ශූරතා තරගාවලියට සහභාගී වීම සදහා බංගලදේශ ක්‍රිකට් කණ්ඩායම 08/27 දින පස්වරුවේ කටුනායක ගුවන් තොටුපොළ වෙත පැමිණියහ.

වවුනියාව, උක්කුලාන්කුලම හින්දු කෝවිලේ පැවති දේව මෙහෙයකින් අනතුරුව පැවත්වෙන පූජා භාණ්ඩ වෙන්දේසිකදී එහි තිබූ අඹ ගෙඩියක් රුපියල් 162,000 ක මුදලකට වෙන්දෙසී වූ බවට කෝවිල් භාරකාර මණ්ඩලය පැවසීය.

දර කැඩීමට ගිය තරුණයන් පිරිසක් අතරින් එක් තරුණයෙකු අග්‍රා ඔයට වැටීමෙන් අද (27දා) සවස ජිවිතක්ෂයට පත්ව ඇතැයි ලිඳුල පොලීසිය පවසයි.

ශ්‍රී ලංකාවේ ගුවන් කලාපය තුල ආරක්ෂිත ගුවන් මෙහෙයුම් පවත්වාගෙනයාම සඳහා අවශ්‍ය සියළු නවීන තාක්ෂණික මෙවලම් උපයෝගිකරගැනීමට ගුවන්තොටුපල හා ගුවන්සේවා සමාගම විසින් පියවර ගෙන ඇත.

හැටන් සිට කොටගල දක්වා අධික වෙගයෙන් ධාවන වු යතුරු පැදියක් ලිස්සා ගොස් සැතපුම් කණුවක ගැටි අනතුරට පත්විමෙන් එම යතුරු පැදියේ ගමන් ගත් තරුණයෙකු සහ තරුණියක් තුවාල ලබා දික්ඔය මුලික රොහල වෙත ඇතුලත් කල බව හැටන් පොලිසිය පැවසිය.

රටේ ආගම් අතර ජාතීන් අතර ආරවුල් නිර්මාණය වෙමින් පවතින බවත් විවිධ භූගෝලීය බල ප්‍රදේශවල ජීවත් වන ජනතාවගේ ජාති ආගම ගැන කතා කරමින් මෙම ආරවුල් නිර්මාණය කරන්නේ දේශපාලනඥයින් බවත් විපක්ෂනායක සජිත් ප්‍රේමදාස මහතා පැවැසීය.

පුද්ගලික ආරවුලක් හේතුවෙන් මාමා විසින් බෑණාට වෙඩි තබා ඝාතනය කර ඇති අතර සැකකරු වෙඩි තැබීමට යොදාගත් බෙහෙත් කොටන තුවක්කුවද සමගින් පොලිස් අත්අඩංගුවට ගෙන තිබේ.

නවීන ලෝකයට ගැලපෙන ලෙස නාගරික සංවර්ධන අධිකාරියේ මැදිහත්වීමෙන් පාසල් සංවර්ධනය කිරීම ඇරඹෙයි.