චීනයේ සීනොවැක් එන්නත් තොගයක් කාම්බෝජයට

චීනයේ සීනොවැක් කොවිඩ්-19 මර්දන එන්නත් තොගයක් රැගත් ගුවන් යානයක් අද (19දා) කාම්බෝජයේ අගනුවර වන නොම් පෙන් වෙත ළඟාවී තිබුණේ එරට එන්නත් කිරීමේ ක්‍රියාවලියට තවත් සහායක් ලබාදෙමිනි.

කාම්බෝජයේ සෞඛ්‍ය අමාත්‍යාංශයේ ලේකම් යෝක් සම්බාත් නොම් පෙන් ජාත්‍යන්තර ගුවන් තොටුපලේදී එන්නත් තොගය භාරගනු ලැබීය. එහිදී සම්බාත් පැවසුවේ මෙම එන්නත් චීන ජෛව ඖෂධ සමාගමක් වන සීනොවැක් බයෝටෙක් වෙතින් මිලදී ගත් බවයි.

එන්නත් තොගය පැමිණීමත් සමග රට තුළ එන්නත් කිරීමේ සැලැස්ම නියමිත වේලාවට සිදුකළ හැකිය යන විශ්වාසය තහවුරු වූ බව ඇය වැඩිදුරටත් පැවසුවාය.