මොරොක්කෝ බස් අනතුරකින් 31ක් ජීවිතක්ෂයට

මොරොක්කෝවේ පාසල් ක්‍රීඩා තරගයක් සඳහා සිසුන් රැගෙන ගිය බස් රථයක් ට්‍රක් රථයක ගැටීමෙන් සිදුවූ අනතුරක් හේතුවෙන් පුද්ගලයන් 31 දෙනෙකු ජීවිතක්ෂයට පත්ව ඇති බව වාර්තා වෙයි.

අද උදෑසන සිදුවූ මෙම අනතුරේදී බස් රථය ගිනිගෙන ඇති අතර, චිබිකා දිස්ත්‍රික්කයේ, ටාන් ටාන් නගරය ආසන්නයේදී මෙම අනතුර සිදුව තිබේ.

මෙම අනතුරින් තුවාල ලැබූ තවත් පුද්ගලයන් නව දෙනෙකු රෝහල්ගත කර ඇත.

එරට මාධ්‍ය පවසා සිටියේ ජවන හා පිටිය තරගාවලියක් සඳහා සිසුන් තම පුහුණුකරුවන් සමග ගමන් කරමින් සිටියදී මෙම බස් රථය අනතුරට පත්ව ඇති බවයි.