තුවාල ලැබූවා යැයි කියන ISIS නායකයාගෙන් පණිවුඩයක්

ISIS ඉස්ලාමීය අන්තවාදී නායක අබු බකර් අල්-බග්දාදි ඇමෙරිකානු ප්‍රහාරයකින් තුවාල ලබා ඇති බවට තොරතුරු වාර්තා වූ පසුබිමක නවතම වීඩියෝවක් ඉස්ලාමීය රාජ්‍ය විසින් නිකුත් කර ඇති බව විදෙස් පුවත් සේවා පවසයි.

සමාජ ජාල හරහා ප්‍රචාරය කරන මෙම වීඩියෝව තුළ අදහස් දක්වන ISIS අන්තවාදී නායකයා පවසා සිටින්නේ තම සංවිධානයේ එක් සටන්කාමියෙකු ජීවත්වන තාක් කල් සටන අත් නොහරින බවයි.

මෙම වීඩියෝ මෑතකදී ගත් එකක් බවත්, එය අව්‍යාජ වීඩිවෙක් බවත් මේ වනවිට අනාවරණය වී ඇති බව පැවසෙයි.

පසුගිය සතියේදී මොසුල් නගරයේදී ගුවන් ප්‍රහාරයකින් බග්දාදි තුවාල ලැබූ බව ප්‍රකාශ වු අතර, විනාඩි 17ක කාලයක් පුරා දිවෙන මෙම වීඩියෝව සමග ඒ පිළිබඳ යළි සැකයක් මතු වී තිබේ.