චීනයේ පාසල් වෑන් රථයක් ඔයකට පෙරලීමෙන් සියලු දෙනා නසී

පමණට වඩා පිරිසක් පටවාගෙන පෙර පාසලක සිට දරුවන් ප්‍රවාහනය කරමින් තිබූ චීනයේ හුනාන් ප්‍රාන්තයේ කුඩා වෑන් රථයක් ඔයකට පෙරලීමෙන් එහි ගමන්ගත් සියලු දෙනා ජීවිතක්ෂයට පත්ව තිබේ.

ෂිංහුවා පුවත් ඒජන්සිය පෙන්වාදෙන පරිදි මෙම වෑන් රථයට දැරිය හැකි පිරිස 7ක් වුවත්, අනතුර සිදුවන අවස්තථාවේදි දරුවන් 8 දෙනෙකු, ගුරුවරු දෙදෙනෙකු ඇතුළු රියදුරුද සමග 11 දෙනෙකු එහි ගමන් කරමින් සිට තිබේ.

මෙම ප්‍රාන්තයේ අගනගරය ලෙස සැලකෙන චැන්ග්ෂා ආසන්නයේ කඳුකර පාරකදී මෙම අනතුර සිදුව තිබේ.

එම අවස්ථාවේදී ආරක්ෂිත වැටක් රහිත එම කඳුකර පාරේ වෑන් රථය ගමන් කරමින් තිබී ඇති බව කියැවෙයි.