සුනඛ හිමයාන තරගාවලියට පීටා සංවිධානයේ විරෝධය

ඇලස්කාවේ සුනඛයන් ඇදගෙන යන හිමයාන තරගාවලිය වෙනුවෙන් සත්ත්ව අයිතීන් වෙනුවෙන් පෙනී සිටින පීටා සංවිධානය සිය විරෝධය යළිත් වරක් ඉස්මතු කර තිබේ.

ඔවුන් පවසා සිටියේ මෙම තරගාවලිය පුරා මේ වනවිට සුනඛයන් 150ක් පමණ ජීවිතක්ෂයට පත්ව ඇති බවයි.

කිලෝමීටර් 1,600ක දුරක් දිවෙන මෙම තරගාවලිය ඇලස්කාව පුරා දැවැන්ත කඳු ශිකර පසු කරමින් ඇදෙන ගමනක් වන අතර, සුනඛ කණඩායම් 14ක් තරගාවලියට සහභාගී වෙයි.

එහිදී, මේ එක් කණ්ඩායමක සුනඛයන් 16 දෙනෙකු පමණ සිටින අතර, ඇලස්කානු හස්කී සුනඛයන් ඇතුළු සුනඛයන් මේ සඳහා යොදා ගනී.

කෙසේ වෙතත්, පසුගිය කාලයේදී මෙම සුනඛයන්ට තහනම් උත්තේජක භාවිත කර තිබූ බවටද මෙම තරගාවලියට චෝදනා නැගුණි.