එංගලන්තයේ 3200ක් නිරුවතින් හල් නගරයේ

එංගලන්තයේ හල් නගරයට පැමිණි 3200ක් පමණ වූ ජනතාව නිරුවත්ව මාර්ගයන්හි ගමන් කිරීමේ පුවතක් වාර්තා වෙනවා. නිල් පැහැයෙන් ශරීරය නිල් පැහැයෙන් වර්ණ ගන්වාගෙන මාර්ගයන්හි සිටියේ සාගර ජල මට්ටම ඉහළ නැංවීම අර්ථ දැක්වීම සඳහායි.මෙම ඡායාරූප සැසිය ස්පෙන්සර් ටියුනික් නම් වූ ඡායාරූප ශිල්පියෙකු විසින් සිදුකර තිබෙනවා.

පසුගිය සෙනසුරාදා පැවැති මෙම ඡායාරූප සැසියට ස්වේච්ඡාවෙන් එක්වූ ජනතාව පාන්දර තුනට පමණ සිය ශරීර පින්තාරු කර ගැනීම ආරම්භ කර තිබුණා.

නිල් පැහැයෙන් වර්ණවත් වූ සිරුරු මාර්ගය පුරා ගමන් කිරීමේදී ඈතට ජල කඳක් ලෙස දිස්වුණා. සෙනසුරාදා දිනයේදී හල් නගරයේ කාලගුණ තත්ත්වය එතරම් යහපත් නොවුණත් සීත කාලගුණයක් යටතේ පවා බොහෝ පිරිසක් එක්ව සිටීම ගැන ඡායාරූප ශිල්පියා විමතියෙන් කරුණු පැහැදිලි කර තිබුණා.

ඔහු විසින් ලබාගත් මෙම ඡායාරූප 2017 වසරේදී හල් නගරයේ පැවැත්වෙන ඡායාරූප ප්‍රදර්ශනයක්දී එළි දැක්වීමට නියමිතය.