ජනශක්ති ශිල්පශක්ති පහේ ශිෂ්‍යත්ව සම්මන්ත්‍රණ මාලාවට 5,000 ඉක්මවා

JXG (ජනශක්ති සමූහව්‍යාපාරය) හා අනුබද්ධ Janashakthi Life සමාගමේ ‘ශිල්ප ශක්ති’ වැඩසටහන යටතේ ක්‍රියාවට නැංවූ 5 වසර ශිෂ්‍යත්ව සම්මන්ත්‍රණ මාලාව පසුගියදා සාර්ථක ලෙස නිමාවට පත් විය.

දිවයින පුරා පාසල් 30කට අධික සංඛ්‍යාවක පවත්වන ලද මෙම සම්මන්ත්‍රණ මාලාවටසිසු සිසුවියන් 5,000කට අධික පිරිසක් සහභාගී වූහ. අධ්‍යාපනයට මෙන්ම අනාගත දියුණුවට වැදගත් වන දැනුම සහ මඟපෙන්වීම සිසු සිසුවියන් වෙත ලබාදීම මෙම වැඩසටහනේ මූලික අරමුණ විය.

මෙම සම්මන්ත්‍රණ මෙහෙයවීම සහ ආදර්ශ ප්‍රශ්න පත්‍ර සකස් කිරීම සිදුකරන ලද්දේකීර්තිමත් ගුරුවරයෙකු වන භාරත ලංකාගේ මහතා විසිනි.සම්මන්ත්‍රණ මාලාව තුළදී විභාග ජයගැනීම සම්බන්ධයෙන්පමණක් නොව, ජීවිත කාලය පුරාම ඉගෙනීමට හිතකර ධනාත්මක ඉගෙනුම් පරිසරයක් නිර්මාණය කිරීම සහ පවත්වා ගැනීම සම්බන්ධයෙන්ද දැඩි අවධානයක් යොමුකරන ලදී.

මීට අමතරව මෙම වැඩසටහන යටතේ 2025 නොවැම්බර් මාසයේදී විශේෂ දිනුම් ඇදීමක්ද පැවැත්විණි. එහිදී ජයග්‍රහණය ලැබූ වාසනාවන්ත ජයග්‍රාහක ජයග්‍රාහිකාවන් 5දෙනෙකුට වටිනා ටැබ් පරිගණකලබාදීමට නියමිත අතර, එම ජයග්‍රාහක ජයග්‍රාහිකාවන්ගේ නම් ඉදිරි සතිවලදී ප්‍රකාශයට පත්කිරීමට නියමිතය.

මේ සම්බන්ධයෙන් ජනශක්ති ලයිෆ් සමාගමේ ප්‍රධාන ව්‍යාපාර නිලධාරිනී නාමලී ඒ. සිල්වා මහත්මිය මෙසේ අදහස් දැක්වූවාය: "ජනශක්ති ශිල්පශක්ති 5 වසර ශිෂ්‍යත්ව වැඩසටහන සැලසුම් කර ඇත්තේ දරුවන්ට කුඩා අවධියේදීම කිසිදු භේදයකින් තොරව සාධාරණ හා ගුණාත්මක අධ්‍යාපනයක් ලබාදීමටයි. එය ඔවුන්ට ජීවිත කාලය පුරාම ඉගෙනුම් අවස්ථා උදා කර ගැනීම සඳහා කදිම ආරම්භයක් සපයනවා. අප මේ උත්සාහ කරන්නේ විශේෂයෙන්ම ශිෂ්‍යත්ව විභාගයට පෙනී සිටීමට සූදානම් වන දරුවන් තුළ අධ්‍යාපනය සඳහා ඇති උනන්දුව හා කුතුහලය දල්වමින් අනාගත සාර්ථකත්වය සඳහා අත්‍යවශ්‍ය වන කුසලතා ඔවුන් තුළ වර්ධනය කරවීමටයි. මෙම ක්‍රියාවලිය තුළදී අප ඔවුන්ගේ දෙමාපියන්ද සම්බන්ධ කරගන්නවා. මෙවර වැඩසටහනේ දිනුම් ඇදීමෙන් ජයග්‍රහණය ලැබූ වාසනාවන්තයන් කවුද යන්න ඉදිරියේදී ප්‍රකාශයට පත්කිරීමට නියමිතයි. ඔවුන්ගේ ජයග්‍රහණ සතුටින් සැමරීමටත් අප බලාපොරොත්තුවෙන් සිටිනවා.”

2017වසරේදී ආරම්භ වූශිල්පශක්ති ශිෂ්‍යත්ව වැඩසටහන මේ වන විට බෙහෙවින් පුළුල් වී ඇති අතර, ඒ සඳහා සිසුන්ගෙන් සහ දෙමාපියන්ගෙන් ඉතාමත් උණුසුම් ප්‍රතිචාර හිමි වී ඇත. මෙවැනි වැඩසටහන් ඔස්සේ මෙරට සිසුන්ගේ දැනුම සහ කුසලතා වැඩිදියුණු කරමින්, අනාගත පරපුරේ සාර්ථකත්වයට මහෝපකාරී වන අවස්ථා වැඩි වැඩියෙන් නිර්මාණය කිරීම Janashakthi Life සමාගමේ අරමුණ වී තිබේ.