අයිඩියල් මෝටර්ස් මගින් රට පුරා පවත්වන සේවා කඳවුරු ඉදිරියටත්

ශ්‍රී ලංකාව තුළ අලෙවියෙන් පසු විශිෂ්ටතම සේවාවන් සලසන රථ වාහන අලෙවි ජාලය ලෙස නමක් දිනා සිටින ideal motors සමාගම Mahindra රථවාහන සඳහා රට පුරාම සේවා කඳවුරු මාලාවක් මේ වන විට ක්‍රියාත්මක වෙමින් පවතී .

Mahindra රථවාහන පරිහරණය කරන පාරිභෝගිකයන්ට වාහන භාවිතයේදී පැන නගින ගැටලු සඳහා පිළියම් සොයා දීම, දෝෂ හඳුනාගෙන ඊට පිළියම් යෙදීම සහ අලුත්වැඩියාව සඳහා අවශ්‍ය ප්‍රමිතියෙන් යුතු අමතර කොටස් සැපයීම තුළින් වාහනයේ ගුණාත්මක භාවය සහ ක්‍රියාකාරිත්වය වැඩිදියුණු කිරීම මෙහි මූලික අරමුණ වේ.

මෙම සේවා කඳවුරු Mahindra වාහන හිමි පාරිභෝගිකයන්ට සම්පූර්ණයෙන්ම නොමිලේ සිදුකරන අතර Mahindra වාහන පාරිභෝගිකයන්ට අවශ්‍ය අමතර කොටස් 15% ක් දක්වා වට්ටමක් සහිතව ලබා ගැනීමේ පහසුකම ද සලසා දෙන ලදි.

අයිඩියල් මෝටර්ස් මඟින් පවත්වන සේවා කඳවුරු මාලාව කොටස් දෙකකින් සමන්විත වන අතර එහි එක් කාණ්ඩයක් Mahindra Bollero වාහන සඳහා පවත්වන අතර අනෙක් කාණ්ඩය යටතේ සියලුම Mahindra වාහන සඳහා සේවා කඳවුරු පවත්වනු ලබයි.

Mahindra Bollero රථ සඳහා පැවැති පළමුවැනි සේවා කඳවුර පසුගිය ජුනි මස මතුගම ලියනගේ මෝටර්ස් තුළින් ආරම්භ කළ අතර ඉන් අනතුරුව පුත්තලම, අක්කරෙයිපත්තුව වැනි ප්‍රදේශවල පවත්වන ලදි. Mahindra සියලුම වාහන සඳහා වන සේවා කඳවුරු මාලාව හබරණ උඩවලව පානම මන්දාරම් නුවර සහ සඳතැන්න ප්‍රදේශයන් මූලික කොට ගෙන පවත්වා අවසන් කොට ඇත.

නොවැම්බර් මස සේවා කඳවුරු මාලාව මොණරාගල අයිඩියල් මෝටර්ස් ශාඛාව තුළ මෙන්ම අම්පාර සේවා කඳවුර වැලිගම මෝටර්ස් පරිශ්‍රය තුළ සහ Bollero රථ සඳහා විශේෂ සේවා කඳවුරක් බෙලිහුල්ඔය ප්‍රදේශයේ පැවැත්විණි.

දෙසැම්බර් මාසයට අදාළ සේවා කඳවුරු මාලාව ආරම්භ කරමින්  මුල්ම සේවා කඳවුර දෙසැම්බර් මස 15 වැනිදා මාතර ධීරසේකර ඔටෝ කෝට් හිදී පැවති අතර එම ස්ථානයේදීම දෙසැම්බර් මස 16 වැනිදා පොලිස් ස්ථානවලට ලබා දී ඇති Scorpio ජීප් රථ වෙනුවෙන්ම වෙන්කර තිබිණි. 

ආසන්නතම සේවා කඳවුර දෙසැම්බර් 17 වැනිදා කුරුණෑගල Ideal motors හිදී සහ 18 වැනිදා යාපහුව සේනානායක ඔටෝ සර්විස් හිදී පැවැති අතර 2026 වසරේ මාර්තු මස දක්වා සේවා කඳවුරු 15ක් පැවැත්වීමට නියමිතය .

සෑම විටම තම පාරිභෝගිකයන් හට උසස් විධිමත් සේවාවක් ලබාදීම අයිඩියල් මෝටර්ස් හී පරමාර්ථය වේ.