IT හා BPM වෘත්තීය සුදුසුකම් ලැබීම ගැන සම්මන්ත්‍රණයක්

තොරතුරු තාක්‍ෂණ (IT) සහ ව්‍යාපාර ක්‍රියාවලි කළමනාකරණ (BPM) වෘත්තීයකට සුදුසුකම් ලබන්නේ කෙසේද යන්න පිළිබඳව දැනුම්වත් කෙරෙන සම්මන්ත්‍රණයක් ජුලි මස 4දා පස්වරු 1.30 ට ගාල්ල මහින්ද විද්‍යාලයේදී පැවැත්වීමට කටයුතු යොදා ඇති බව ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය පවසයි.

මේ පිළිබඳව ක්ෂේත්‍රයේ ප්‍රවීනයින් මෙහිදී දේශන පවත්වනු ලබන අතර, ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනය විසින් මෙම සම්මන්ත්‍රණය සංවිධානය කරනු ලබයි..

නොමිලේ පැවත්වෙන මෙම සම්මන්ත්‍රණය සදහා අධ්‍යාපන අමාත්‍යාංශයේ සහ ශ්‍රී ලංකා මෘදුකාංග බාහිරකරණ සේවා සැපයුම්කරුවන්ගේ සංවිධානයේ සහයෝගයද ලැබී තිබේ. වැඩිදුර විස්තර  011-2369099 දුරකතන අංකයට ඇමතීමෙන් ලබාගත හැකිය.