ශ්‍රී ලංකා ආර්ථිකයේ වර්ධනය තම සංචාරයට හේතුවයි - ස්මිට්ස්
ශ්‍රී ලංකා ආර්ථිකයේ වර්ධනය හා වත්මන් සංවර්ධනය පිළිබඳව ඇති වූ බලවත් උද්‍යෝගය තම සංචාරයට හේතු වූ බව නෙදර්ලන්ත විදේශ වෙළෙඳ උප අමාත්‍ය සිමොන් ස්මිට්ස් මහතා අද (14දා) කොළඹ පැවති මාධ්‍ය හමුවකදී පවසා සිටියේය.
අමාත්‍යවරයා ඇතුළු එරට ව්‍යාපාරික දූත පිරිසක් මෙරට ව්‍යාපාරික ආයෝජන අවස්ථා සොයා දින 04ක සංචාරයක් සඳහා අද උදෑසන දිවයිනට ළඟාවීමෙන් පසු මාධ්‍ය හමුවට සහභාගි වෙමින් මෙසේ අදහස් දැක්වීය.
මෑත කාලයේ නෙදර්ලන්තයේ සිට ශ්‍රී ලංකාවට පැමිණි ප්‍රථම ජ්‍යේෂ්ඨ අමාත්‍යවරයා වන සිමොන් ස්මිට්ස් ශ්‍රී ලංකාවේ ශීඝ‍්‍රයෙන් සංවර්ධනය වන ආර්ථික වෙළෙඳපොළ පිළිබඳව බලවත් පැහැදීම නිසා එරට ව්‍යාපාරිකයින් ආයෝජන අවස්ථාවන්ට මෙරට වෙළෙඳ පොළේ ඉඩ ප්‍රස්ථාව සොයන බව පැවසීය.
Boskails, Vitens Evides, Enraf Nonius, van der knaap, Eijkelkamp, සහ Rabobank යන ප්‍රමුඛ පෙළේ ලන්දේසි ව්‍යාපාරික ආයතනයන්හි නියෝජිතයින් නියෝජ්‍ය විදේශ වෙළෙඳ අමාත්‍ය සිමොන් ස්මිට්ස් මහතා සමග පැමිණි දූත පිරිසට ඇතුළත් වන අතර, ඔවුන්ගේ මූලික ඉලක්කය මෙරට ජලය, සෞඛ්‍ය, කෘෂිකාර්මික හා උද්‍යාන වගා යන වෙළෙඳ ක්ෂේත්‍රයන් ය.
නෙදර්ලන්තයේ Dutch Good Growth Fund (DGGF) ව්‍යාපෘතිය මගින් විදේශ වෙළෙඳ පොළ ආයෝජනය කිරීම සඳහා මූල්‍යමය ආධාර සපයන අතර මෙමඟින් ශ්‍රී ලංකාවේ ජලය, සෞඛ්‍ය, කෘෂිකාර්මීක හා උද්‍යාන වගා යන වෙළෙඳ ක්ෂේත්‍රයන්ගේ විවිධ සංවර්ධන ව්‍යාපෘති දියත් කිරීම මෙම ලන්දේසි ව්‍යාපාරික ආයතනයන්හි නියෝජිතයින්ගේ අරමුණයි. Dutch Good Growth Fund (DGGF) යනු සංවර්ධනය වෙමින් පවතින රටවල විවිධ වෙළෙඳ ක්ෂේත්‍රයන්ගේ කුඩා හා මධ්‍ය පරිමාණ ව්‍යාපාර සඳහා විකල්ප ආයෝජන හා රක්ෂණ අවස්ථා සපයන ව්‍යාපෘතියකි. දැනට මෙම DGGF ව්‍යාපෘතිය අප්‍රිකාව, ආසියාව, මැදපෙරදිග, නැගෙනහිර යුරෝපය හා ලතින් ඇමරිකාව ඇතුළු රටවල් 66ක ක්‍රියාත්මක වේ. ශ්‍රී ලංකාවේද මෙම ව්‍යාපෘතිය ලන්දේසි ව්‍යාපාරික ආයතනයන් මඟින් ජලය, සෞඛ්‍ය, හා කෘෂිකාර්මීක යන වෙළෙඳ ක්ෂේත්‍රයන්හි ආයෝජනයට ඔවුන් බලාපොරොත්තු වේ.
ලබන 17 වැනිදා දක්වා දිවයිනේ රැඳී සිටින ස්මිට්ස් මහතා ඇතුළු දූත පිරිස රජයේ ජ්‍යේෂ්ඨ නිලධාරීන් සහ මෙරට ප්‍රමූඛ ව්‍යාපාරිකයන් හමුවී සාකච්ඡා කිරීමටද අපේක්ෂා කරයි. මෙම සංචාරයෙන් අනතුරුව ශ්‍රී ලංකාවේ මෙම වෙළෙඳ ක්ෂේත්‍රයන්හි සංවර්ධන ආයෝජන ව්‍යාපෘති ඇරඹීම සඳහා සැලසුම් කිරීම ඔවුන්ගේ අදහස වේ.
නෙදර්ලන්ත තානාපති ලුවිස් ඩබ්.එම්. පියෙට් මහතා ඇතුළු නෙදර්ලන්ත තානාපති කාර්යාලයේ නිලධාරීන් මෙම අවස්ථාවට එක්ව සිටියහ.
.jpg)
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
