කම්කරු අමාත්‍යාංශ අතිකාල දීමනා කැපීම ඇමති නවත්වයි

කම්කරු,වෘත්තීය සමිති සබඳතා සහ සබරගමු සංවර්ධන අමාත්‍යාංශයේ නිලධාරීන්ගේ අතිකාල හා ගමන් වියදම් 50%කින් කපා හැරීමට අමාත්‍යාංශ පරිපාලනය විසින් ගෙන ඇති තීන්දුව වහාම අත්හිටුවා පෙර පරදි ගෙවීම් සිදුකරන ලෙස කම්කරු අමාත්‍ය ඩබ්ලිව්.ඩී.ජේ සෙනෙවිරත්න මහතා අමාත්‍යාංශ ලේකම්වරයාට උපදෙස් දී තිබේ.

මෙම අතිකාල කප්පාදුව තමන්ගේ අනුදැනුමකින් තොරව සිදුව ඇති බව අවධාරණය කරන අමාත්‍යවරයා, මින් ඉදිරියට මෙවැනි තීන්දු ගැනීමට පෙර තමන් දැනුම්වත් කරන ලෙසද අමාත්‍යාංශ ලේකම්වරයාට දැනුම් දී ඇත.