Ather 450X ඉලෙක්ට්‍රික් යතුරුපැදිය වෙළෙඳ පොළට

Ather 450X නවීනතම ඉලෙක්ට්‍රික්  ස්කූටරය පසුගියදා වෙළඳ පොළට  එක්විය. ඉන්දියාවේ   Ather Energy  නිෂ්පාදනයක් වන මෙම  ඉලෙක්ට්‍රික්  යතුරුපැදිය Evolution Auto ආයතනය විසින් මෙරටට ආනයනය කරනු ලබයි.

 Ather 450X ස්කූටරයේ software  engine අන්තර්ගත අතර  Google Maps, Alexa, WhatsApp notifications dashboard, සහ location service, live location share කිරීම ආදී නවීන තාක්ෂණය එක්කොට ඇති අතර මෙම ස්කූටර්  Stealth Blue සහ Hyper Sand වැනි නවීන වර්ණ දෙකකින් සමන්විතවීම ද විශේෂ වේ. 

මෙම පරිසර හිතකාමී Ather 450X ස්කූටරයේ බැටරිය සඳහා වසර8ක වගකීමක් හෝ   80,000 km, 70෴ battery health assurance තිබීම Battery health, performance පිළිබඳ දීර්ඝ විශ්වාසයක් ලබාදීමට සමත්වේ. තවද  විවිධ මාර්ග තත්ත්ව වලට යෝග්‍ය ලෙස මෙහි Multi-Mode Traction Control සහ පල්ලම් වලදි ඔබව ආරක්ෂා කිරීමට භාවිතා වන  Auto Hold ද මෙහි අන්තර්ගත කොට ඇත.

මෙම  ඉලෙක්ට්‍රික් යතුරුපැදිය  මෙරටට හඳුන්වා දීම පසුගියදා ගාලු මුවදොර පිටියේදී පැවැති අතර එහිදී අදහස් දැක්වූ Evolution Auto (Pvt) Ltd. ආයතනයේ ප්‍රධාන මෙහෙයුම් නිලධාරි සහරාන් සියාවුදීන් මහතා සඳහන් කළේ, Ather Experience Zone හරහා තමන්  ලංකාවේ සෑම දෙනාටම මේ නව  ඉලෙක්ට්‍රික් යතුරුපැදි  අත්දැකීම විඳින්නට ආරාධනා කළ බවත්  මෙම කාර්යක්ෂම සහ පරිසර හිතකාමී ඉලෙක්ට්‍රික් වාහන අත්දැකීම කොළඹ ඇතුළු සෙසු නගරයන්හි පෙරළිකාර වෙනසක් ඇති කිරීමට සූදානම්ව සිටින  බවත්ය.