ෆයිසර් එන්නත දැන් එක්සත් ජනපදයේදී ලබාගත හැකිලු

ෆයිසර් සහ බයෝඑන්ටෙක් හි කොවිඩ් -19 එන්නත වයස අවුරුදු 16 සහ ඊට වැඩි අයට ලබා දිය හැකි බවට එක්සත් ජනපදයේ රෝග පාලන හා වැළැක්වීමේ මධ්‍යස්ථාන (CDC) අධ්‍යක්ෂ වෛද්‍ය රොබට් රෙඩ්ෆීල්ඩ් විසින් ප්‍රතිශක්තිකරණ පිළිවෙත් පිළිබඳ නියෝජිත කමිටුවේ (ACIP) නිර්දේශය පිළිගෙන තිබේ.

මෙයින් අදහස් කරන්නේ එන්නත් ලබාදීම දැන් එක්සත් ජනපදයේ නිල වශයෙන් පරිපාලනය කළ හැකි බවය.

එන්නත CDC හි ප්‍රතිශක්තිකරණ කාලසටහනට එක් කිරීම සඳහා සෙනසුරාදා  ACIP කමිටු සාමාජිකයින් නිර්දේශයට පක්ෂව ඡන්දය ලබාදීම සිදුවිය.

එමෙන්ම සිකුරාදා එක්සත් ජනපද ආහාර හා ඖෂධ පරිපාලනය (FDA) ෆයිසර් සහ බයෝඑන්ටෙක් හි කොවිඩ් -19 එන්නත සඳහා හදිසි භාවිත අවසරයක් ලබා දුන්නේය.

ෆයිසර් සිය එන්නත ඉරිදා සිට නැව්ගත කිරීම ආරම්භ කළ අතර, අද (14දා) උදෑසන සිට එක්සත් ජනපදය තුළ පළමු එන්නත් කිරීම සිදුකිරීමට අපේක්ෂා කර තිබේ.