සෞඛ්‍ය සේවකයින්ට බූස්ටර් එන්නත ලබාදිම අද දිනයේත් ස්ථාන රැසකදි

සෞඛ්‍ය කාර්ය මණ්ඩල සදහා කොරෝනා මර්දන තුන්වන එන්නත් මාත්‍රාව ලබාදීම අද දිනයේද ස්ථාන රැසකදීම සිදු වනවා.

කොළඹ රිජ්වේ ආර්යා ළමා රෝහලේ සෞඛ්‍ය කාර්ය මණ්ඩලයට මෙම මාත්‍රාව ලබාදීම ආරම්භ කෙරුණේ අද පෙරවරුවේ.

එමෙන්ම වයස අවුරුදු 16ත් 20 ත් අතර පාසල් දරුවන්ට ෆයිසර් එන්නත ලබාදීමත් වයස අවුරුදු 60 ට වැඩි වැඩිහිටියන්ට සයිනොෆාම් එන්නත ලබාදීමත් මීට සමගාමීව සිදු කෙරෙනවා.

කොරෝනා මර්දන පළමු එන්නත් මාත්‍රාව එක්කෝටි පනස්හය ලක්ෂ හැත්තෑ එක්දහස් පන්සිය දහ දෙනෙකුට ලබා දී තිබෙනවා. එහි දෙවන මාත්‍රාව ලබා ගත් පිරිස එක්කෝටි තිස්පන්ලක්ෂ එක්දහස් එකසිය හැත්තෑ පහක් වනවා.