ලොවටම කොවිඩ් එන්නත් ලැබීම 2024 තෙක් නොවේවිලු

ලොව විශාලතම එන්නත් නිෂ්පාදකයා වන ඉන්දියාවේ සේරම් ආයතනය පවසන්නේ නව කොරෝනා වෛරසයට එරෙහිව මුළු ලෝකයටම එන්නත ලබා ගැනීම 2024 වනතෙක් සිදු නොවනු ඇති බවය.

"යථාර්ථවාදීව, මුළු ලෝකයටම, මේ පෘථිවියේ සිටින සෑම කෙනෙකුටම හෝ අවම වශයෙන් 90%ක් එය ලබා ගැනීමට නම් එය අවම වශයෙන් 2024 දක්වා ගතවනු ඇති" ඉන්දියාවේ සේරම් ආයතනයේ ප්‍රධාන විධායක සහ විධායක අධ්‍යක්ෂ අදාර් පූනවාලා පැවසීය.

පර්යේෂණයෙන් හා අනුමත කිරීමෙන් රෝගීන්ට ඒවා ලබාදීමේදී පවතින අභියෝග අතර, එන්නත් නිෂ්පාදනය ඉහළ නැංවීම සහ අවශ්‍ය මාත්‍රාවන් ප්‍රසම්පාදනය කිරීම සඳහා ඩොලර් බිලියන ගණනක් රැස් කිරීම මූලික බවද ඔහු කීවේය.

ඇතැම් සංකීර්ණ භූගෝලීය හා රටවල එන්නත් ලබාදීමද අභියෝගයක් බව ඔහු පැවසීය.

ඉන්දියාවේ සේරම් ආයතනය කොවිඩ්-19 එන්නත් නිපදවන්නන් පස් දෙනෙකු සමග කටයුතු කරන අතර, මාත්‍රා මිලියන සිය ගණනක් උපයා ගැනීමට සූදානමින් සිටියි. නමුත් එසේ වුවද, එන්නත සැපයුම කෙටිකාලීනව පමණක් ඉදිරියට යනු ඇති බව ඔහු පැවසීය.

"බිලියන 1.4 ක ජනගහනයක් සහිත ඉන්දියාව ගැන සලකා බැලුවොත්, ලබන වසරේ ජූලි, අගෝස්තු වනවිට, අපි මිලියන 400ක් නිෂ්පාදනය කළත්, ඔවුන් තවමත් එම මාත්‍රාවන් භාවිත කරමින් සෑම කෙනෙකුටම එන්නත ලබා දීමට අරගලයක යෙදෙනවා" යැයි සේරම් ආයතනයේ ප්‍රධාන විධායක වැඩිදුරටත් සඳහන් කළේය.