මහපොළ ප්‍රමාදයි IUSF විරෝධයක

අඩු ආදායම්ලාභී පවුල්වල විශ්වවිද්‍යාල ශිෂ්‍යයන්ට ලබාදෙන මහපොළ ශිෂ්‍යාධාර මුදල් ලබාදීම ප්‍රමාද කරන බවට පවසමින් අන්තර් විශ්වවිද්‍යාලයීය ශිෂ්‍ය බල මණ්ඩලයේ නියෝජිතයන් පිරිසක් අද (05දා) විරෝධතා ව්‍යාපාරයක නිරත වූහ. කොළඹ 07 ප්‍රදේශයේ පිහිටි මහපොළ ශිෂ්‍යාධාර අරමුදල ඉදිරිපිටදී මෙම විරෝධතා ව්‍යාපාරය පැවැත්විණි.

ඇතැම් විශ්වවිද්‍යාල ශිෂ්‍යයන්ට මාස තුනක හතරක කාලයක සිට ශිෂ්‍යධාර ලබාදී නොමැති බවත්, මේ නිසා ශිෂ්‍ය ශිෂ්‍යාවන් දැඩි අසරණ තත්ත්වයකට පත්ව සිටිනා බවත් අන්තර් විශ්වවිද්‍යාලයීය ශිෂ්‍ය බලමණ්ඩලයේ කැඳවුම්කරු මහීල් බණ්ඩාර මහතා සඳහන් කළේය.