පෘතුගාල සෞඛ්‍ය අධිකාරි ප්‍රධානියාත් ආසාදිත වෙලාලු

පෘතුගාලයේ සෞඛ්‍ය අධිකාරිය නිවේදනය කළේ, එහි ප්‍රධානියා කොවිඩ්-19 වෛරසය සඳහා ධනාත්මක බව කර ඇති බවය.

දකුණු යුරෝපීය 300,000කට අධික ආසාදිතයන් පිරිසක් වාර්තා වන පෘතුගාලයේ සෞඛ්‍ය අධිකාරියේ ප්‍රධානියා වන 63 හැවිරිදි ග්‍රේනා ෆ්‍රීටාස් සුළු රෝග ලක්ෂණ පෙන්වන බවද එම ආයතනය පවසයි.

එරට වසංගතය පිළිබඳ දිනපතා යාවත්කාලීන කිරීම් කළ ඇය මහජනතාවට මේ දක්වා හුරුපුරුදු මුහුණක් බවට පත්ව සිටියත්, දැන් ඇය හුදෙකලාව සිටින බව එම ආයතනය වැඩිදුරටත් දැනුම් දෙයි.

මේ තත්ත්වය තුළ පෘතුගාලයේ වසංගත තත්ත්වය පිළිබඳ ඊයේ පැවති ප්‍රවෘත්ති සාකච්ඡාවද අවලංගු කර ඇති අතර, ඇය සමග මෑතකදී සම්බන්ධකම් පැවැත්වූ අය පිළිබඳව බලධාරීන් දැන් සොයමින් සිටින බවද කියයි.

එසේම කොරෝනා වෛරස පරීක්ෂණ ප්‍රතිඵල එනතෙක් පෘතුගාල සෞඛ්‍ය අමාත්‍ය මාර්ටා ටෙමිඩෝ සහ සෞඛ්‍ය ලේකම් ඇන්ටෝනියෝ සේල්ස්ද මේ වනවිට හුදෙකලා වී සිටින බව වාර්තා වෙයි.

මිලියන 10ක පමණ ජනගහනයක් සිටින පෘතුගාලයේ නව කොරෝනා වෛරසය ආසාදිතයන් 300,462ක් වාර්තා වී ඇති අතර, මරණ 4,577ක් සිදුව තිබේ.