නිව්යෝක් ආසන දෙව්මැදුර ළඟ ගිනිඅවි දැරූ අයට වෙඩි

ඇමෙරිකා එක්සත් ජනපදයේ, නිව්යෝක් හි ආසන දෙව්මැදුර අසල නත්තල් ප්‍රසංගයක් අතරතුර ගිනි අවියක් රැගෙන එම ස්ථානයට විත් අහසට වෙඩි තැබූ තුවක්කුකරුවෙකුට පොලීසිය වෙඩි තබා තිබේ.

නිව්යෝක් නගරයේ ශාන්ත ජෝන් දෙව් මැදුරේ පඩිපෙළ මත ගීතිකා කණ්ඩායමක් රැඳී සිටියදී සැකකරු තුවක්කුවක් රැගෙන එම ස්ථානයට ඇතුළු වී අහසට වෙඩි තබා තිබේ.

එම අවස්ථාවේදී පොලීසිය සැකකරුගේ හිසටම වෙඩි තබා ඇති අතර, වෙඩි ප්‍රහාරයට ලක්වූ 50 හැවිරිදි සැකකරු ශාන්ත ලූක් රෝහලේදී ජීවිතක්ෂයට පත්ව ඇත.

කෙසේ වෙතත් මෙම පුද්ගලයා කවර හේතුවක් නිසා තුවක්කුවක් රැගෙන දෙව්මැදුරට ඇතුළු වීමට උත්සාහ කළේද යන්න මෙතෙක් අනාවරණය වී නොමැති අතර, ඔහු සම්බන්ධයෙන් වැඩිදුර විමර්ශන සිදුවන බව නිව්යෝක් පොලීසිය පවසයි.