ද.කොරියාව ආසාදන සබඳතා සෙවීමට හමුදාවන් කැඳවයි

දකුණු කොරියාව තුළ ආසාදිතයන් වැඩි වනවිට එරට හමුදාව සහ පොලීසිය ආසාදන සම්බන්ධතා සොයාගැනීමේ මෙහෙයුම් සඳහා සහාය වනු ඇති බව රජය නිවේදනය කරයි.

කොරියානු රෝග මර්දන මධ්‍යස්ථානයට අනුව, ඉරිදා දේශීය ආසාදිතයන් 580ක් හඳුනාගෙන ඇති අතර, අතිරේක මරණ හතරක්ද වාර්තා වී තිබේ.

සෝල් නගරයේ පරීක්ෂණ දිරිගැන්වීම සඳහා කොවිඩ්-19 පරීක්ෂණ මධ්‍යස්ථාන රාත්‍රී කාලයේදී මෙන්ම සති අන්තවලද දිගින් දිගටම සේවය සපයනු ඇති බව සඳහන් වෙයි.

ඒ අනුව රෝග ලක්ෂණ නොතකා වහාම වෛරසය පරීක්‍ෂා කරන ලෙස ජනාධිපති මූන් ජේ-ඉන් නියෝග කළේය.

සමස්තයක් ලෙස දකුණු කොරියාවේ කොවිඩ්-19 මරණ 549ක් ඇතුළුව කොරෝනා වෛරසය ආසාදිතයන් 38,000කට වඩා වාර්තා කර ඇත.