කොවිඩ් ආසාදිත ට්‍රම්ප් තම ආධාරකරුවන් අභියසට එයි

ජනාධිපති ට්‍රම්ප්, කොවිඩ්-19 වෛරසයෙන් පෙළෙන බව දැන දැනත්, සිය පළමු ප්‍රසිද්ධ උත්සවය ලෙස ධවල මන්දිරයේ බැල්කනියේ සිට ඒ වටා රොක්වූ සිය ආධාරකරුවන් ඉදිරියේ කෙටි දේශනයක් පවත්වා තිබේ.

වෛරසය ආසාදිතව සිටියදී පවා තම මැතිවරණ සිහිනයෙන් පෙළෙන ට්‍රම්ප්, එහිදී ඩිමොක්‍රටික් පක්ෂ අපේක්ෂක ජෝ බයිඩන් වෙත පහර ගැසීම සිදුකර ඇති අතර, මෙම සිදුවීම බොහෝ සෞඛ්‍ය විශේෂඥයන්ගේ විවේචනයට ලක්ව ඇත්තේ බොහෝ දෙනෙකු වෛරසය නිරාවරණය කළ අවස්ථාවක් ලෙසිනි.

"අපට නීතිය හා සාමය අවශ්‍යයි. නීතිය හා සාමය හා ඇමෙරිකානු ගැති න්‍යාය පත්‍රයක් අපට තිබිය යුතුයි. ඩිමොක්‍රටිකයෝ ඇමරිකාවේ සෑම අභ්‍යන්තර නගරයක්ම පාහේ පාලනය කර තිබෙනවා. මා අදහස් කළේ අවුරුදු සියයක් තිස්සේ පාලනය කළා. ඔවුන්ගේ ප්‍රතිපත්ති මගින් විපත, දරිද්‍රතාව සහ කරදර හැර වෙන කිසිවක් ලබාදී නැහැ. නිදි ජෝ බිඩෙන් කළු සහ ලතින් ඇමෙරිකානුවන් පාවා දුන්නා. ඔහුට මේ රට මෙහෙයවිය හැකි යැයි ඔබ සිතන්නේ නම්, ඔබ වැරදියි." ට්‍රම්ප් ධවල මන්දිරයේ දකුණු පෙදෙසෙහි එළිමහනෙහි රැස්ව සිටි ආධාරකරුවන්ට ට්‍රම්ප් පැවසීය.

එක්සත් ජනපදයේ කොවිඩ්-19 වෛරසය ආශ්‍රිතව රෝහල්ගත වීමේ අනුපාතයේ ඉහළ යන ප්‍රවණතාවක් පවතින වාතාවරණයක, ට්‍රම්ප් ධවල මන්දිර බැල්කනියේ සිට සිදුකළ කතාව සඳහා 2,000කට ආසන්න පිරිසකට ආරාධනා කර තිබුණි. සාමාන්‍ය බුද්ධිය මෙන්ම, මහජන සෞඛ්‍ය මාර්ගෝපදේශ අනුගමනය කරනවාට වඩා ඔහුගේ කාර්ය මණ්ඩලය සහ වෛද්‍යවරු ඔහුගේ ආශාවන් පිළිගන්නා බවට නවතම සංඥාවක් මෙයින් පිළිබිඹු වන බව විදෙස් වාර්තා පෙන්වා දෙයි.

මේ වනවිට වෛරසය ආසාදනය වී දින 9ක් පමණක් ගතවී ඇති ට්‍රම්ප්ගේ ශරීරයේ තවමත් වෛරසය පවතිනවාද යන්න පිළිබඳව වූ නවතම පරීක්ෂණ තොරතුරු ගැනද ලබාදී තිබුණේ තේරුම්ගත නොහැකි පිළිතුරකි.