අඩි 30ක වළක් හාරා කරන්නට ගිය ‌දේ

පොළොන්නරුව නවනගරය ප්‍රදේශයේ  නිවසක  නිදන් ඇතැයි කාමරයක් තුළ  අඩි 30ක් යට කැණිම් කරමින්  නිදන් ගැනිමට  තැත්කල   පිරිසක් ඊයේ  (14) දින පස්වරුවේ දි  එම නිවස හිමිකරු ඇතුළු  පුද්ගලයින් තිදෙනෙකු හා   කැණිම් කරන  ලද උපකරණ  සමඟ  අත්අඩංගුවට ගත් බව පොළොන්නරුව පුරාවිද්‍යා  පොලිස් වැටලිම් එකකය කියයි.

මෙසේ කැණිම් කර ඇත්තේ පොළොන්නරුව නවනගරයේ අංක 168 ග්‍රාමසේවක වසමේ නිවසක් තුළ  බව පොලීසිය  පවසයි.

මෙම වැටලිම සිදුකර ඇත්තේ ඊයේ  දහවල්    පොළොන්නරුව පොලීසියට ලද තොරතුරක් මත මෙම ලිපිනය සොයා  ගොස් පරික්ෂාවට ලක් කළ  අවස්ථාවේ  දි එහි කැණිම් කරමින් සිටි නිවස හිමි පුද්ගලයා සහ  එම ප්‍රදේශයේම පදිංචි තවත් පුද්ගලයින් තිදෙනෙක් එහි සිට අත්අඩංගුවට ගෙන ඇත.

මෙම කැණිම සිදු කර ඇත්තේ නිවස නොපෙනෙන ලෙස ලෑලිවලින් ආවරණය කර දමා අඩි 12×12 ප්‍රමාණයේ කාමරක් තුළ අඩි 30ක් පමණ වළක් ඉතා සුක්ෂම ලෙස කැණිම් කරමින්   බව පොලීසිය පවසයි.    

අත්අඩංගුවට ගත් උපකරණ අතර වතුර මෝටර් එකක් , විදුලිය භාවිතා කර කෑණිම් කරන යන්ත්‍රයක් , කුළුගෙඩි , යකඩ ඉණි සහ පුජා භාණ්ඩ රැසක් අත්අඩංගුවට ගෙන ඇත.  

අත්අඩංගුවට ගත් නිවසේ   හිමිකරුගෙන් පොලීසිය කළ  ප්‍රශ්න කිරිම් හමුවේ ඔහු පවසා ඇත්තේ  නිවස තුළ  නිදානයක් ඇති බවට දේවාලයකින් කියු නිසා  එය ලබා ගැනිමට කැණිම් කළ  බවයි.   

අත්අඩංගුවට පත්  පුද්ගලයින් සහ උපකරණ  අධිකරණ කටයුතු සිදු කිරිම සඳහා පොළොන්නරුව පොලීසියට භාර දුන් බව පොළොන්නරුව පුරාවිද්‍යා  පොලිස් වැටලිම් එකකය නිලධාරින් පැවැසුහ.