සමාජවාදයට ජනතාව පෙළගැසිය යුතුයි

ජනතාවට නිදහස ලැබෙන, මිලදී ගැනීමේ හැකියාව ලැබෙන, සමසේ වරප්‍රසාද ලැබෙන ක්‍රමය ධනවාදය නොවන බවත්, මේ නිසා රටට ගැළපෙන සමාජවාදය ඇතිකර ගැනීම සඳහා ජනතාව පෙළගැසිය යුතු බවත් ජනතා විමුක්ති පෙරමුණ සඳහන් කරයි.

රට 68 අවුරුද්දක් පුරා ධනවාදී පක්ෂ දෙකක නායකයන් පාලනය කළ බවත්, නමුත් සිදුවූයේ රට රුපියල් බිලියන 10,500ක් ණය වී, රට ජරාජීර්ණ තත්ත්වයට පත්වීම බවත් එම පක්ෂයේ ප්‍රධාන ලේකම් ටිල්වින් සිල්වා මහතා සඳහන් කළේය.

හෙතෙම මේ බව පැවසුවේ, 'සෝවියට් දේශයේ බිඳවැටීම සහ ධනවාදයේ වත්මන් අර්බුදය' නමැති කෘතිය එළිදැක්වීමේ අවස්ථාවට අද (08දා) එක්වෙමිනි. 

ඡායාරූප - ශමීර රාජපක්ෂ