ශකිබ් අද තරගයට නෑ

- 22 02 2014 - 11:53 - {{hitsCtrl.values.hits}} views - චානක චන්ද්‍රසේකර

(VIDEO) බංග්ලාදේශ කණ්ඩායමේ තුන් ඉරියව් ක්‍රීඩක ශකිබ් අල් හසන්ට ශ්‍රී ලංකා කණ්ඩායමට එරෙහිව අද පැවැත්වෙන තෙවැනි එක්දින තරගය අහිමි වී ඇත.

ඒ ඔහුට එරෙහිව තරග තුනක තහනමක් පැනවීමට බංග්ලාදේශ ක්‍රිකට් පාලක මණ්ඩලය කටයුතු කොට ඇති හෙයිනි.

ශ්‍රී ලංකාව හා පැවැති දෙවැනි එක්දින තරගය සජීවීව විකාශය වන අවස්තාවේදි නුසුදුසු අයුරින් හැසිරිම යන චෝදනා යටතේ ශකිබ්ට තරග තුනක තහනමක් පැනවීමට බංග්ලා‍දේශ ක්‍රිකට් පාලක මණ්ඩලය කටයුතු කොට තිබේ.

එසේම ඔහුට එරෙහිව ඩොලර් 3800ක දඩයක්ද නියමකර ඇත.