විදුලිබලේ පත්වීම් නොදීමට විරෝධය

ලංකා විදුලිබල මණ්ඩලයේ රැකියා අවස්ථා සඳහා තෝරාගත් අයදුම්කරුවන්ට හිමි අදාළ පත්වීම් තවමත් ලබා නොදීම හේතුවෙන් ඊට එරෙහිව සංවිධාන කළ විරෝධතා පා ගමනක් ලංකා විදුලිබල මණ්ඩල රැකියා අයදුම්කරුවන්ගේ එකමුතුව විසින් අද (09දා) සංවිධානය කර තිබිණි.

කොළඹ, මහජන පුස්තකාලය අබියසින් ආරම්භ වූ විරෝධතා පා ගමන විදුලිබල හා බලශක්ති අමාත්‍යාංශය දක්වා ගමන් කළ අතර, මේ සම්බන්ධයෙන් බලධාරීන් තවදුරටත් ක්‍රියාත්මක නොවුණහොත් දින 10 තුළදී මාරාන්තික උපවාසයක් දියත් කරන බවට ලංකා විදුලිබල මණ්ඩල රැකියා අයදුම්කරුවන්ගේ එකමුතුව අවධාරණය කරයි.

ඡායාරූප - ඒශාන් ප්‍රනාන්දු