රාජ්‍ය සේවා වෘත්තීය සංගමය විරෝධතාවක

රාජ්‍ය සේවා (සිවිල්/විදුලි)නිලධාරීන්ගේ වෘත්තීය සංගමයේ සාමාජිකයෝ රාජ්‍ය පරිපාලන හා ප්‍රජාතන්ත්‍රීය පාලනය පිළිබඳ අමාත්‍යාංශය ඉදිරිපිට අද (04දා) පෙරවරුවේ උද්ඝෝෂණයක නිරත වූහ.

දිවයින පුරා සිටින කාර්මික නිලධාරීන් 2500 ක් පමණ මෙම අවස්ථාවට සම්බන්ධ වී සිටින බව මධ්‍යම පළාත් කාර්මික නිලධාරීන්ගේ සංගමයේ ලේකම් එස්.ඩී.ජයසේකර මහතා පැවසීය.

තමන්ගේ වෘත්තියට ගරුත්වයක් ලබාදී සුදුසු වැටුප් තලවල පිහිටුවන ලෙසට වසරකට වැඩි කාලයක් තිස්සේ බලධාරීන්ට කියා සිටියද සහනයක් අත්නොවුණු බව ඒ මහතා ප්‍රකාශ කළේය.

පසුව මෙම වෘත්තිය සමිතියේ නිලධාරීන් සහ රාජ්‍ය පරිපාලන අමාත්‍යාංශයේ ලේකම් ජේ.දඩල්ලගේ මහතා අතර, පැයකට අධික කාලයක් විශේෂ සාකච්ඡාවක් පැවැත්වුණි.

ඡායාරූප - ඒෂාන් ප්‍රනාන්දු