පිරිසක් තෙල් හිඟ බවට ප්‍රචාරය කරනවා

රටතුළ කිසිම ආකාරයක තෙල් හිඟයක් නොමැති බවත් කිසියම් පිරිසක් තෙන් හිඟයක් ඇති බවට ප්‍රදාරය කරමින් සිටින බවත් ඛණිජ තෙල් සම්පත් සංවර්ධන අමාත්‍යාංශයේ ලේකම් උපාලි මාරසිංහ මහතා පවසයි. ඔහු පවස්නේ ශ්‍රී ලංකා ඛණිජ තෙල් සංස්ථාවේ ගබඩාවලට පැමිණෙන සියලුම බවුසර් සඳහා කිසිඳු ප්‍රමාදයකින් තොරව ඉන්ධන ලබාදෙන බවයි.එසේම ගැටලුවක් ඇත්නම් 011-5455130 යන අංකයට දැනුම් දෙන ලෙසත් වැඩිමිලට ඉන්ධන මිලදී නොගන්නා ලෙසත් ඔහු පවසයි.

ඔහු නිකුත් කළ නිවේදනය පහත පරිදි වෙයි. “කිසියම් පිරිසක් රට තුළ ඉන්ධන හිඟයක් ඇති බවට ප්‍රචාරය කරමින් සිටී. මේ තත්ත්වය තුළ පාරිභෝගිකයින් අනවශ්‍ය ලෙස ඉන්ධන පිරවුම්හල් වෙත යමින් ඉන්ධන තොග රැස් කරන බව වාර්තා වේ. කෙසේ නමුත් රට තුළ කිසිම ආකාරයක ඉන්ධන හිඟයක් නොමැති බව අවධාරණය කරමි. එබැවින් අනවශ්‍ය ලෙස කලබල නොවන ලෙස මහජනතාවගෙන් ඉල්ලා සිටිමි.

බාහිර පුද්ගලයින්ගෙන් අනවශ්‍ය ලෙස වැඩි මිලට ඉන්ධන මිලදී නොගන්නා ලෙසද අවශ්‍ය තරම් ඉන්ධන තොග අප සතුව ඇති බැවින් ඉන්ධන පිරවුම්හල්වලින් පමණක් ඉන්ධන ලබා ගන්නා ලෙසද මහජනතාවට දැනුම් දෙමි. එමෙන්ම කිසියම් ගැටළුවක් ඇත්නම් පැය 24 පුරා ක්‍රියාත්මක දුරකතන අංකය 0115455130ට අමතන මෙන් කාරුණිකව  දන්වා සිටිමි.

අපගේ ගබඩාවලට පැමිණෙන සියලුම බවුසර්වලට කිසිඳු ප්‍රමාදයකින් තොරව ඉන්ධන ලබා දීමට හැකි බවද දන්වා සිටිමි.”