අගමැති මැදුරේ දිපවාලි උත්සවයට TNA නෑ

අරලියගහ මන්දිරයේදී අද (10දා) සන්ධ්‍යාවේ පැවති දීපවාලි උත්සවයට දෙමළ ජාතික සන්ධානයේ නායකයෝ සහභාගී නොවූහ.

තමන් බලාපොරොත්තු වූ පරිදි දෙමළ සිරකරුවන් නිදහස් නොකළ බැවින් දෙමළ සන්ධානයේ මන්ත්‍රීවරුන් ඊට සහභාගී නොවීමට කටයුතු කර තිබුණි.

මාදුළුවේ සෝභිත හිමියන්ගේ අපවත් වීම පදනම් කරගෙන ජනාධිපති මෛත්‍රීපාල සිරිසේන මහතාද එම උත්සවයට සහභාගී නොවීය.

කෙසේ වෙතත් අග්‍රාමාත්‍ය රනිල් වික්‍රමසිංහ මහතා සහ මෛත්‍රී වික්‍රමසිංහ මහත්මිය ඇතුළු පිරිසක් මෙම අවස්ථාවට එක්ව සිටියහ.

දීපවාලී උත්සවය නිමිත්තෙන් නව මුද්දරයක් සහ මුල් දින කවරයක් එළිදැක්වීමක්ද මෙහිදී සිදුකෙරුණි.

හින්දු සංස්කෘතිකාංගවලින් එම උත්සවය අලංකාරවත් විය.

ඡායාරූප ඉසුරු පෙරේරා