එදා රනිල් වික්‍රමසිංහ මහතා මේ රටේ අග්‍රාමාත්‍යධූරයට සහ ජනාධිපතිධූරයට පත් කළේ ශ්‍රී ලංකා පොදු ජන පෙරමුණ විසින් බවත් එදා බාරදුන් වගකීම රනිල් වික්‍රමසිංහ මැතිතුමා නිවැරදිව ඉටු කළ නිසා මෙවර ජනාධිපතිවරණයේදීත් පොහොට්ටුවේ අති බහුතරයක් සිටින්නේ රනිල් වික්‍රමසිංහ මහතා සමඟ බවත් පාර්ලිමේන්තුවේ නියෝජ්‍ය කතානායක අජිත් රාජපක්ෂ මහතා ප්‍රකාශ කළේය.

අධිවේගී මාර්ගයේ පුතුට වාහනේ පැදවීමට ඉඩ ලබා දුන් නීතිඥවරයාට සහ වාහනය පැද වූ 15 හැවිරිදි පුතාටත් දඩ මහේස්ත්‍රාත්වරයාගේ දැඩි අවවාද

පාර්ලිමේන්තු මැති ඇමතිවරුන් ඇතුළු පක්ෂ කණ්ඩායම් මෙන්ම දේශපාලන ධාරාවේ ක්‍රියාකාරීන් එක්වමෙරට දැවැන්තතමදේශපාලන සන්ධානයලබන 05 දින බිහිවීමට නියමිත බව ආයෝජන ප්‍රවර්ධන රාජ්‍ය අමාත්‍යදිලුම් අමුණුගම මහතා මල්වතු අස්ගිරි මහා නා හිමිවරුන් හමුවෙහි පැවසීය .

ඉන්ධන මිල පහළ දැමුවද බස් ගාස්තු සංශෝධනයක් සිදු නොවන බව ජාතික ගමනාගමන කොමිෂන් සභාව දන්වා සිටියි.

ශ්‍රී ලංකා නිදහස් පක්ෂයේ නිමල් සිරිපාද සිල්වා පාර්ශවය විසින් මෙම උත්සවය සංවිධානය කර ඇත.

1994-2000 කාලයේ සහ 2010-2015 කාලයේ පාර්ලිමේන්තුවේ මන්ත්‍රිවරයකු ලෙස කටයුතු කර ඇති ඔහු අඛණ්ඩව වසර 10ක් පාර්ලිමේන්තු නියෝජ්‍ය කාරක සභා සභාපති ලෙස ද කටයුතු කළ අත්දැකීම් බහුල දේශපාලනඥයෙකි.

ඉන්දියාවේ ප්‍රමුඛතම අඩු පිරිවැය ගුවන් සේවාවක් වන IndiGo ගුවන් සේවය ඊයේ (01) දා සිට ඉන්දියාවේ චෙන්නායි සිට ශ්‍රි ලංකාවේ යාපනය වෙත දිනපතා ගුවන් ගමනක් ආරම්භ කර තිබේ.

පක්ෂයෙන් වෙන්ව ගිය පුද්ගලයන් ප්‍රකාශ කරනු ලබන සියලු දේ අසා ඔලුව පහත් කරගෙන සිටීමට සූදානම් නොමැති බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නිපුණ රණවක මහතා පැවසීය.

පාසල්වලට සිසුන් තෝරා ගැනීමට හා ශිෂ්‍යාධාර ප්‍රදානය කිරීමට 5 ශ්‍රේණියේ සිසුන් සඳහා පැවැත්වෙන විභාගය දිවයින පුරා විභාග මධ්‍යස්ථාන 2849 කදී මෙම මස 15 ඉරිදා පැවැත්වෙන බව විභාග දෙපාර්තමේන්තුව පවසයි.

මෙරට සහල් යොදාගෙන සහල් ආශ්‍රිතව “සහල් යෝගට්” නිෂ්පාදනයක් සිදු කිරීමට මහනුවර උසස් තාක්ෂණ විද්‍යාලයේ අවසන් වසරේ ඉගෙනුම ලබන එස්.ඩි. වෙනුක කිත්මිණ සමත්ව තිබේ.

සීගිරිය පර්වතයේ බිතු සිතුවම් ගුහාව අසලදී එංගලන්ත ජාතිකයකුට ඇති වූ අසනීප තත්ත්වයක් හේතුවෙන් සීගිරිය, කිඹිස්ස ප්‍රාදේශීය රෝහලට ඇතුලත් කර සුළු මොහොතකින් 01 දින පස්වරුවේ ජීවිතක්ෂයට පත්ව ඇතිබව පොලිසිය කියයි.

විදේශ රැකියාවක් සදහා ගිය තරුණයකු එම සිහිනය බොදවි නැවත දිවයිනට පැමිණීමේන් පසු දැඩි ලෙස කළකිරීමට පත්ව 23 හැවිරිදි තරුණයකු සිය නිවසෙදි ගෙල වැලලාගෙන මරණයට පත්ව ඇති බව පුත්තලම මූලස්ථාන පොලිසිය 2 දින පැවසිය. මෙසේ මරණයට පත්ව ඇත්තේ පුත්තලම නාගුර් මස්ජීද් මාවතේ පදිංචිව සිටි 23 හැවිරිදි මොහොමඩ් හසාම් මොහොමඩ් අම්ජීත් නැමති තරුණයකු බව කියයි.

උඩප්පුව සහ මදුරන්කුලිය යන පොලිස් වසම් දෙකක පදිංචි තරුණ පෙම් යුවලක් පෙම් හබයක් හේතුවෙන් ඉකුත් 30 සහ 31 දිනවලදී ගෙල වැලලාගෙන මරණයට පත්ව ඇතිබව උඩප්පුව සහ මදුරන්කුලිය පොලීසි පවසයි.

අත්ලන්තික් සාගරයේ ගිලී ගිය ටයිටැනික් නෞකාව දිරාපත්වීම ආරම්භ වී ඇති පෙන්නුම් කරන ඡායාරූප කිහිපයක් අන්තර්ජාලයට මුදා හැර තිබේ.

ශ්‍රී ලංකා පොදුජන පෙරමු​ණේ ජනාධිපතිවරණ අපේක්ෂක පාර්ලිමේන්තු මන්ත්‍රී නාමල් රාජපක්ෂ මහතාගේ ප්‍රතිපත්ති ප්‍රකාශය අද(02දා) එළිදැක්විණි.

ජනාධිපතිවරණය සඳහා ජන්ද දායකයකු වෙනුවෙන් වියදම් කළ හැක්කේ රු.109 ක මුදලක් බවත් ඊට වැඩියෙන් වියදම් කළ බවට අධිකරණයෙන් ඔප්පු කිරීමට සමත් වුවහොත් ලබාගත් ධුරය අහිමි වී වසර තුනක කාලයක් ප්‍රජා අයිතියද අහෝසි වන බව මැතිවරණ කොමිසන් සභාවේ සභාපති සමන් ශ්‍රී රත්නායක මහතා පැවසීය.

එදා ආර්ථික අභියෝගයට බියේ පැන ගිය සජිත්ට සහ අනුරට අද ජනාධිපතිවරණය සඳහා ඉදිරිපත්වීමට අවස්ථාව ලැබී තිබෙන්නේ තමන් රට තුළ ඇති කළ ආර්ථික ස්ථාවරත්වය නිසා බව ජනාධිපති රනිල් වික්‍රමසිංහ මහතා පැවසීය.

දේශීය ආදායම් බදු දෙපාර්තමේන්තුවේ 2024 වර්ෂයේ ජනවාරි සිට ජූලි මස දක්වා මාස 06 ක කාලයක් තුලදී මෙරට බදු ගෙවන්නන්නේ සංඛ්‍යාව තුන් ලක්ෂ දාසය දහස් දෙසීය හැට හතරකින් (316,264) කින් ඉහළ ගොස් ඇති බව දේශීය ආදායම් බදු දෙපාර්තමේන්තුවේ විගණන නිලධාරියෙකු සමඟ කරන ලද විමසීමක දී පැවැසීය.

වවුනියාවේ පෞද්ගලික හෝටලයකදී ඉලංකෙයි තමිල් අරසුකච්චි පක්ෂයේ පිරිසක් රැස්වී සජිත් ප්‍රේමදාස මහතාට සහාය දැක්වීමට ගත් තීරණය තම පක්ෂයේ නිල මතය නොවන බව එම පක්ෂයේ ජ්‍යෙෂ්ඨ නායකයකු වන මාවෙයි සේනාධිරාජා මහතා විශේෂ ප්‍රකාශයක් කරමින් පැවසීය.

සංචාරක ශ්‍රී ලංකා කණ්ඩායම ලකුණු 190කින් පරාජය කරමින් ලෝඩ්ස් පිටියේ පැවැති දෙවැනි ටෙස්ට් තරගයද ජයගත් එංගලන්ත කණ්ඩායම තරග තුනකින් සමන්විත ටෙස්ට් තරගාවලිය 2-0ක් ලෙස එක් තරගයක් ඉතිරිව තිබියදීම ජය ගැනිමට සත්කාරක එංගලන්ත කණ්ඩායම සමත්විය.

ශ්‍රී ලංකා පොදුජන පෙරමුණු ජනාධිපති ධුර අපේක්ෂක නාමල් රාජපක්ෂ මහතාගේ ප්‍රතිපත්ති ප්‍රකාශනය කොළඹදී අද (02දා) එළිදැක්වීමට නියමිතය.

ජනාධිපතිවරණයට අදාළ නිල ඡන්ද පත්‍රිකා අද (02දා) තැපෑලට භාර දීමට නියමිතව තිබෙන අතර, නිවෙස්වලට නිල ඡන්ද පත්‍රිකා මේ මස 14වන දින දක්වා බෙදා දීමට සැලසුම් කර තිබේ.

තම වැඩිමල් පුතාගේ බාල වයස්කාර බිරිඳ සමග අනියම් පෙමකට අරගල කළ පියෙක් තියුණු ආයුධ වලින් කපා කොටා පුතා ඝාතනය කිරීමේ සිදුවීමක් දෙහිඅත්තකණ්ඩිය සේරුපිටියේ ප්‍රදේශයෙන් වාර්තා වෙයි.

සුවසාර කැදැල්ලට යොමු කරන ලද මත්ද්‍රව්‍යවලට දැඩිව ඇබ්බැහි වූ පුද්ගලයෙකුගේ නිවසේ මධ්‍යම රාත්‍රියේ රැඳී සිටියදී වැලිපැන්න පොලීසිය මගින් අත්අඩංගුවට ගත් පොලිස් කොස්තාපල්වරුන් ගේ වැඩ තහනමට ලක් කළ බව කළුතර ජ්‍යෙෂ්ඨ පොලිස් අධිකාරී කාර්යාලය සඳහන් කරයි.

තමන් ජනතාවට සහන දෙන්නේ රුපියල ශක්තිමත් කොට විධිමත් සැලැස්මකට අනුව බවත්, බදු අඩු කරන බව පවසමින් වේදිකාවල බොරු පොරොන්දු දී සූදානම් වන්නේ රට නැවත අගාධයට ඇද දැමීමට බවත් ජනාධිපති රනිල් වික්‍රමසිංහ මහතා පැවසීය. අපනයන ආර්ථිකයක් ඇති කළ පසුව බදු බර අඩු කළ හැකි බවද, වෙනත් මාර්ගයක් නොමැති බවද, බොරු පොරොන්දුවලින් ආර්ථිකය දිනන්නට බැරි බව ජනතාව හොඳින්ම තේරුම් ගත යුතුව ඇතැයිද ජනාධිපතිවරයා කීවේය.

ලබන 21 වැනිදා නිර්මාණය වන සිය ආණ්ඩුවක් යටතේ මන්ත්‍රීවරුන්ට පක්ෂ මාරු කිරීම අනිවාර්යෙන් තහනම් කරන බවත්, ඒ සම්බන්ධයෙන් වන නීති සම්පාදනය කරන බවත් සමගි ජන සන්ධානයේ ජනාධිපතිවරණ අපේක්ෂක විපක්ෂනායක සජිත් ප්‍රේමදාස මහතා පැවසීය.

මෙවර ජනාධිපතිවරණයට ඉදිරිපත් වීම සදහා නාම යෝජනා භාරදී සීටින හීටපු මාතර දිස්ත්‍රික් පාර්ලිමේන්තු මන්ත්‍රී ප්‍රේමසිරි මානගේ මහතා සමගි ජන බලවේගයේ ජනාධිපතිධුර අපේක්ෂක සජිත් ප්‍රේමදාස මහතාට සහාය දීමට ඉදිරිපත් විය.

කොලොන්නාව බාලිකාව ඉදිරිපිට උප තැපැල් කාර්යාලයේ ස්ථානාධිපතිවරියගේ සිරුර තැපැල් කාර්යාලය තුළ බාල්කයක එල්ලෙමින් තිබියදී සොයාගත් බව වැල්ලම්පිටිය පොලිසිය කියයි

පක්ෂ මධ්‍යම කාරක සභාව අද(01දා) රැස්වී මෙම තීරණය ගෙන ඇත.