ජපාන – ශ්‍රී ලංකා නිදහස් වෙළෙඳ කලාපයක් මෙරට ඇති කිරීමට අවශ්‍ය කටයුතු සූදානම් කරමින් පවතින බව ආයෝජන ප්‍රවර්ධන රාජ්‍ය අමාත්‍ය දිලුම් අමුණුගම මහතා පැවසීය.

නව පොලිස්පතිවරයෙක් පත්කිරීමෙ අර්බුදය තවදුරටත් දිග් ගැස්සෙමින් පවතින බව රජයෙ අභ්‍යන්තර වාර්තා සඳහන් කරයි.

රටේ ජනතාවට අලුතින් බදු පැනවිය නොහැකි බවට ජනපති රනිල් වික්‍රමසිංහ මහතා ප්‍රකාශ කළේ යැයි මුදල් රාජ්‍ය අමාත්‍ය රංජිත් සියඹලාපිටිය මහතා පැවැසීය.

ළාබාල තරුණියක් ශ්‍රී ලංකා විදේශ සේවා නියුක්ති කාර්යාංශයේ ලියාපදිංචි නොවූ ආයතනයක් මගින්, නීතිවිරෝධී ලෙස කටාර් රාජ්‍යයේ ගෘහ සේවය සදහා පිටත් කිරීමට තැත් කරමින් සිටිය දී 10/13 දින උදෑසන කටුනායක ගුවන් තොටුපොළ ආගමන විගමන නිලධාරීන් ඇය අත්අඩංගුවට ගෙන තිබේ.

ආසියානු සංවර්ධන බැංකුව ඇ. ඩොලර් මිලියන 100ක පමණ මුදලක් අප රටේ ක්ෂුද්‍ර කුඩා හා මධ්‍ය පරිමාණ ව්‍යාවසායකයන්ගේ ගැටලු විසදීම සදහා ලබා දෙන බවත් විපක්ෂ නායකවරයා පැවසීය.

සෞදි අරාබියාවේ ගෘහ සේවයට ගිය මෙරට කාන්තාවක් පෙට්‍රල් වත්කොට සිරුරට ගිනි තබා මේ වන විට එරට රැඳවුම් මධ්‍යස්ථානයක සිටින බවත් ඇයව කෙසේ හෝ ලංකාවට ගෙන්වා ගන්නනැයි සෞදි අරාබියාවේ සිටින ලාංකික පිරිස් රජයෙන් ඉල්ලා සිටිති.

ප්‍රේම සම්බන්ධතාවක් මත ඇතිවූ ගැටලුකාරී තත්ත්වයක් මත සාමාන්‍ය පෙළ විභාගයට පෙනී සිටි 17 හැවැරිදි සිසුවෙක් ගෙල වැලලාගෙන ජීවිතක්ෂයට පත්ව ඇතැයි මතුගම පොලීසිය පවසයි.

හත්වන වසරේ ඉගෙනුම ලබන අවුරුදු 12 මාස 01 වයසැති තම දියණියට ලිංගික අතවරකළ ඇයගේ පියා ඉකුත් (12) වෙනිදා ඇතිමලේ පොලීසිය මඟින් අත්අඩංගුවටගෙන ඇත.

මේ දිනවල පාසල් දරුවන් සහ වැඩිහිටියන් අතර සීඝ්‍රයෙන් ඇස් රෝගයක් පැතිර යයි. එම රෝගය වළක්වා ගැනීම සඳහා අනුගමනය කළ යුතු ක්‍රියාමාර්ග පිළිබඳව දැනුවත්ව කටයුතු කල යුතු බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ මධ්‍ය විධායක සභික ,මහජන සෞඛ්‍ය පරීක්ෂක රෝෂන් කුමාර මහතා පෙන්වා දෙයි.

කාසල්රි සහ මවුස්සාකැලේ ඉහල ජල පෝෂක ප්‍රදේශවලට තවදුරටත් ඇද හැලෙන අධික වර්ෂාව හේතුවෙන් එම ජලාශයන් දෙකෙහි ජල මට්ටම පිටාර මට්ටමට ඉතා ආසන්න වි ඇති බව එම ජලාශයන් භාර ඉංජිනේරුවරුන් පැවසිය.

පරිසර අමාත්‍යධුරය තමන් යටතට ගැනීමට ජනපති රනිල් වික්‍රමසිංහ මහතා කටයුතු කර තිබේ. ජනපති ලේකම්ගේ අත්සනින් යුතුව නිකුත් කර ඇති අතිවිශේෂ ගැසට් නිවේදනයක දැක්වෙන් ආණ්ඩුක්‍රම ව්‍යවස්ථාව අනුව අග්‍රාමාත්‍යවරයාගේ අදහස් විමසීමෙන් අනතුරුව පරිසර අමාත්‍යාංශය තමන් භාරයෙන් තබා ගත යුතු බවට ජනපතිවරයා නිශ්චය කර ඇති බවයි.

අවයව බද්ධ කරණ රෝගීන් ලබාදෙන basiliximab ඖෂධ හිග විම නිසා අවයව බද්ධ ශල්‍යකර්ම වලටත් බාධා සිදුවෙමින් බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය සදහන් කරයි

මීළඟ පළාත් සභා මැතිවරණය සහ ජනාධිපතිවරණය කල් දැමීමකින් තොරව සිදුවනු ඇති බවට ශ්‍රී ලංකා පොදුජන පෙරමුණ සඳහන් කරයි.

මේ මාසයේ ග්‍රහණ දෙකක් සිදුවන අතර ඉන් පළමුවැන්න ඔක්තෝබර් 14 වැනිදා වළයාකාර සූර්යග්‍රහණයක් ලෙස සහ දෙවැන්න අර්ධ චන්ද්‍රග්‍රහණයක් ලෙස ඔක්තෝම්බර් 28 වැනිදා රාත්‍රියේ ඇතිවන බවත් කොළඹ විශ්වවිද්‍යාලයේ භෞතික විද්‍යා අංශයේ අංශ ප්‍රධාන සහ තාරකා විද්‍යා හා අභ්‍යවකාශ විද්‍යා ඒකකයේ අධ්‍යක්ෂ මහාචාර්ය චන්දන ජයරත්න මහතා පැවසීය.

හමාස් සංවිධානය විසින් දියත් කළ ප්‍රහාරයට එරෙහිව සටන් වදින ඊශ්රායිල් හමුදාවන්ට එක්වීම සඳහා ඊශ්‍රායිල් අගමැති බෙන්ජමින් නෙතනියාහු ගේ පුත්‍රයා ද සක්‍රීය හමුදා සේවයට එක්වේ. එසේ පිටවීමට පෙර මවට හා පියාට සමුදුන් අවස්ථාව.

පවතින අධික වර්ෂාවත් සමඟ වැලිමඩ රේන්දපොල අබේවෙල හරහා ලෝකාන්තය මාර්ගයේ කලුපාලම අසලදී මාර්ගය ගිලාබැස නාය යාමට ලක්වීම නිසාවෙන් එම මාර්ගය නැවත දැනුම් දෙන තුරු අද (12දා) වසා දැමූ බව කැප්පෙටිපොළ පොලිසිය පවසයි.

ශ්‍රී ලංකා කෘෂිකර්ම හා පශු සම්පත් බලකායට අයත් කරන්දෙණිය කොහිල වගුර යුධ හමුදා කදවුරේ අවි ගබඩාවෙන් සොරකම් කොට සිය නිවස ආසන්නයේ ගස් බෙනයක ටී 56 වර්ගයේ ගිනි අවිය සගවා තැබුවේ යයි සැකපිට අත්අඩංගුවට ගත් එම යුධ හමුදා කදවුරේ සේවය කළ යුධ හමුදා නිලධාරියා අද (12දා) පස්වරුවේ බලපිටිය අධිකරණයට ඉදිරිපත් කළ අවස්ථාවේදී ඔහු හෙට (13දා) දක්වා රදවා තබාගෙන ප්‍රශ්න කිරීමට බලපිටිය වැඩබලන මහේස්තාත් සංජය කොඩිතුවක්කු මහතා කරන්දෙණිය පොලීසියට අවසර ලබා දුන්නේය

ශ්‍රී ලංකාව හා ඇමෙරිකාව අතර රාජ්‍ය තාන්ත්‍රික සබදතාවට වසර 75ක් පිරීම නිමිත්තෙන් වොෂින්ටන් DC හි ශ්‍රී ලංකා තානාපති මහින්ද සමරසිංහ මහතා ප්‍රමුඛ පිරිස එම තානාපති පරිශ්‍රයේ පසුගියදා විදේශ ඇමති අලි සබ්‍රි මහතාගේ ප්‍රධානත්වයෙන් පැවැත්වූ උත්සවය හරහා දෙරට අතර සබදතා වඩාත් ශක්තිමත් විය.

මෙරටට ඖෂධ සැපයීම සම්බන්ධයෙන් දැඩි ගැටලුකාරී තත්ත්වයක් පවතින Isolez Bio Tech Pharma සමාගම වෙත ලබාදී ඇති සියලු ඇණවුම් වහාම අත්හිටුවීමට හා අවලංගු කිරීමට කටයුතු කරන ලෙස සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා එම අමාත්‍යංශයේ ලේකම්වරයාට හා අදාළ සියලු ආයතන ප්‍රධානීන්ට ලිඛිතව දැනුම් දී තිබේ.

රුපියල් තුන් කෝටි දශ ලක්ෂයක් වටිනා උදු තොගයක් කඩල අඩංගු බහාලුමක් තුළ සගවා , රේගුවට ප්‍රකාශ නොකර නීතිවිරෝධී ලෙස ඉන්දියාවේ සිට ශ්‍රී ලංකාවට ගෙන ඒමට තැත් කිරීමේ දී 10/12 දින ඔරුගොඩවත්ත බහාලුම් අංගනයේ දී රේගු ආදායම් අධීක්ෂණ අංශයේ නිලධාරීන් පිරිසක් විසින් අත් අඩංගුවට ගෙන ඇති බව රේගු මාධ්‍ය ප්‍රකාශක සීවලී අරුක්ගොඩ මහතා පැවසීය .

ඒ අනුව අක්කරයකින් රුපියල් ලක්ෂ දෙකක් පමණ ආදායමක් ගොවීන්ට ලබාගැනීමට හැකිවී තිබේ. වී වගාවට වඩා මුංවගාව ලාභදායී බව ගොවීහු පවසති.

සේවය කළ ලොරියේ පිටුපස ට හා ගබඩාවක බිත්තියකට හිරවීමෙන් බරපතල තුවාල ලැබූ ලොරි සහායකයා එම ස්ථානයේ දී ම ජීවිතක්ෂයට පත්වූ බව බියගම පොලීසිය පවසයි.

ඉහල කොත්මලේ ඉහල ජල පෝෂක ප්‍රදේශවලට තවදුරටත් ඇද හැලෙන අධික වර්ෂාවත් සමග ඉහල කොත්මලේ ජලාශයේ වාන් දොරටුවක් (12) දින පස්වරුවේ සිට විවෘත කර ඇති බව නුවරඑලිය දිස්ත්‍රික් ආපදා කලමණාකරණ ඒකකය පැවසිය.

ත්‍රීරෝද රථ අමතර කොටස් ආනයනය සම්පූර්ණයෙන්ම නවත් වන්නේනම් ලක්ෂ දහසයක් වූ මෙරට ත්‍රීරෝද රථ වලට අවශ්‍ය සියළුම අමතර කොටස් තම ආයතනය හරහා සැපයීමට හැකි බව පොල්ගස්ඕවිට මිල්ටන් මෝටර්ස් අධිපති එච්.බී. මිල්ටන් මහතා පවසයි . ඒ හරහා මාසිකව රුපියල් පනස් දහසකට අධික වැටුපක් සහිතව දක්ෂ කාර්මිකයින් තුන්සිය දෙනෙකුට රැකියා අවස්ථා ලබා දිමට ද හැකි බව ඒ මහතා වැඩිදුරටත් කීය.

විශේෂ නිපුණතා සහිත ශ්‍රි ලාංකික තරුණයින් හට SSW කාණ්ඩය යටතේ ජපානයේ රැකියා අවස්ථා ලබාගැනීම සඳහා ශ්‍රී ලංකා විදේශ සේවා නියුක්ති කාර්යාංශය හා ජපානයේ IM Japan ආයතනය අවබෝධතා ගිවිසුමකට එළැඹෙන ලදී.

පලස්තීනයේ හමාස් සටන්කාමීන් ඊශ්‍රා යෙලයට එල්ල කළ ප්‍රහරයෙන් පසුව ඇතිවූ යුද්ධය හේතුවෙන් මේ වන විට පලස්තීනයේ ගාසා තීරයේ සිවිල් වැසියන් ඇතුළු පුද්ගලයන් 1200ක් මෙන්ම ඊ ශ්‍රා යෙලයේ සිවිල් වැසියන් ඇතුළු පුද්ගලයන් 1200ක් ජීවිතක්ෂයට පත්ව ඇති බව ජාත්‍යන්තර මාධ්‍ය වාර්තා වෙයි.

අම්බලන්ගොඩ මීටියාගොඩදී අද පෙරවරුවේ පොලිස් විශේෂ කාර්ය බළකාය සමග සිදුවූ වෙඩි හුවමාරුවේදි මියගිය පුද්ගලයා පසුගියදා රත්ගම ප්‍ර දේශයේදී හිටපු පොලිස් පරීක්ෂකවරයෙක් වන බාලේන්ද්‍රසිං මහතාට වෙඩි තබා ඝාතනය කිරිමේ සිදුවීමට සම්බන්ධ සැකකරුවෙක් බවට තොරතුරු වාර්තා වී තිබේ.

’’ඩොලර් බිලියන 46ක ණයක් තිබුණා. අපි බහුපාර්ශ්වීය ණය ගෙව්වා. ද්විපාර්ශ්වීය ණය ගෙවන්න තියෙනවා. අපේ විශාලම ණය හිමියා චීනය. චීනයේ එක්සිම් බැංකුව අපේ ණය ප්‍රතිව්‍යුහගත කිරීමට එකඟ බවට දන්වා තිබෙනවා. මෙය හොඳ ප්‍රකාශයක්. මේ ගැන අපිට ඉදිරියේදී දැන ගන්නට ලැබේවි.’’

මෙරට රාජ්‍ය ආයතන පද්ධතිය ශක්තිමත් කිරීමට සහ ජනතාවට වඩාත් සුහදශීලී සේවාවක් ලබාදීම අරමුණු කරගෙන මාර්ගෝපදේශ මාලාවක් සකස් කිරීමට පියවර ගන්නා බව විවෘත සහ වගකිවයුතු රජයක් සඳහා වන ආංශික අධීක්ෂණ කාරක සභාවේ සභාපති, පාර්ලිමේන්තු මන්ත්‍රී ජගත් කුමාර මහතා පැවසීය.