විදුලිබල මණ්ඩලයේ ස්ථාවර තැන්පතුවක් සඳහා වැඩි පොලී අනුපාතයක් ලබාදීම හේතුවෙන් බැංකුවට වූ පාඩුව පිළිබඳ කමිටුවේ අවධානය.

චීනයේ හැංජො හි පැවති 04 වන ආසියානු ’’ පැරා ’’ ක්‍රීඩා තරගාවලියේ දී පදක්කම් 11 ක් දිනා ගත් ශ්‍රී ලාංකික ක්‍රීඩක ක්‍රීඩිකාවන් පිරිස 10/30 දින රාත්‍රී කටුනායක ගුවන් තොටුපොළ වෙත පැමිණියහ.

කටුනායක ගුවන් තොටුපොළ අවට ප්‍රදේශයට 10/30 දින සවස් කාළයේ සිට ඇද හැලුණු ධාරානිපාත වර්ෂාව නිසා කටුනායක ගුවන් තොටුපොළ වෙත ගොඩ බැස්සවීමට පැමිණි ශ්‍රී ලන්කන් ගුවන් යානා දෙකක් ඉන්දියාවේ ත්‍රිවේන්ද්‍රම් ගුවන් තොටුපොළ වෙත යොමු කර තිබූ අතර ඒවා යළි 10/30 දින රාත්‍රී කටුනායක ගුවන් තොටුපොළ වෙත පැමිණ තිබුණි .

ශ්‍රී ලංකාවේ වන ගහනය වර්ධනය කිරීම, තිබෙන වනාන්තර වල ගුණාත්මක භාවය නැංවීම සහ වන සතුන්ට වාසස්ථාන ඇති කිරීම එමගින් වන සතුන් ගම් වැදීම වලකා ගැනීම වැනි කරුණු මූලික කර ගනිමින් ගුවනින් ගොස් බීජ ලක්ෂයකට ආසන්න ප්‍රමාණයක් බිම හෙළී වැඩ සටහනක් ඊයේ ( 30 දා) අනුරාධපුරයේ දී සිදු කෙරිණි.

කළුතර මහේස්ත්‍රාත් අධිකරණයට දඩමුදල් ගෙව්මේදී රුපියල් 5000 ක හොර නෝට්ටුවක් ලබාදී ඇති පුද්ගලයකු ඊයේ (30) පස්වරුවේ අත්අඩංගුවට ගත්බව කළුතර දකුණ පොලිසිය පවසයි .

එළඹෙන අයවැය යෝජනාවලිය මගින් සියලුම රජයේ සේවකයන්ගේ වැටුප් වැඩි කිරීමට පියවර ගන්නා බව ජනාධිපති රනිල් වික්‍රමසිංහ මහතා අමාත්‍ය මණ්ඩලය වෙත දැනුම් දී ඇතැයි වාර්තා වේ.

පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතා පක්ෂ සභාපති ධුරයෙන් ඉවත් කිරීමට හෝ ඔහුට එරෙහිව විනය ක්‍රියාමාර්ග ගැනීමට කිසිදු එකඟත්වයකට පැමිණ නොමැති බව සමගි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පැවසීය.

යෝජිත විදුලිබල අංශයේ ප්‍රතිසංස්කරණ පනත් කෙටුම්පත අමාත්‍ය මණ්ඩලයේ නිරීක්ෂණ සහ අනුමැතිය සඳහා අද (30දා) ඉදිරිපත් කළ බව අමාත්‍ය කංචන විජේසේකර මහතා පවසයි.

රාත්‍රී ජංගම සංචාරයේ නිරතව සිටි පානදුර දකුණ පොලිසියේ සැරයන්වරයකුගේ පිස්තෝල ගිනි අවිය සැකකටයුතු පුද්ගලයකු උදුරාගෙන වෙඩි තැබීමට උත්සාහ දැරූවද ගිනි අවිය ක්‍රියාත්මක නොවීමෙන් පොලිස් නිලධාරීන් ගේ ජීවිත අනූ නමයෙන් බේරි ඇතැයි පොලිස් ආරංචි මාර්ග සඳහන් කරයි.

ශ්‍රි ලංකා ක්‍රිකට් ක්‍රීඩාවේ ගෞරවාන්විතම දිරිගන්වන්නෙකු ලෙසින් සැලකෙන පර්සි අබේසේකර මහතා ඊයේ (30දා) අභාවප්‍රාප්ත විය. කලක සිට රෝගාතුරව සිටි ඒ මහතා මියයන විට 87වැනි වියේ පසුවිය.

රාජගිරිය ප්‍රදේශයේ 2016 වසරේදී සිදුවූ රිය අනතුරක් සිදු කොට තරුණයකුට බරපතල තුවාල සිදුකිරීම සම්බන්ධයෙන් හිටපු අමාත්‍ය පාඨලී චම්පික රණවක මහතාට එරෙහි නඩු විභාගය අත්හිටුවීමේ අතුරු නියෝගයක් නිකුත් කරන්නේද නැද්ද යන්න සම්බන්ධයෙන් තීන්දුව ලබන මස 15 වැනිදා ප්‍රකාශයට පත්කරන බව අභියාචනාධිකරණය අද (30) දැනුම් දුන්නේය.

පෙහොර සඳහා පාලන මිලක් නියම කිරීමට රජයේ අවධානය යොමුව තිබේ. විවිධ ඉහළ මිල ගණන් යටතේ ගොවීන් වෙත පොහොර අලෙවි කිරීම මිට හේතුව වී තිබේ.

දිවයිනට පැමිණි Shi Yan 6 චීන පර්යේෂණ නෞකාව, නාරා ආයතනය සමග එක්ව මෙරට බටහිර මුහුදේ සිදුකරන පර්යේෂණ කටයුතු අද (30) ආරම්භ කළේය.

මිනිසුන් බළාපොරොත්තුවෙන සිස්ටම් චේන්ජ් එක සිදුකළ හැක්කේ පෙරළා මිනිස්සුන්ට සේවය කිරීමෙන්ම පමණයි... ජනතාවට මුල්තැනදී තම සේවය නිවැරදිව සිදු කිරීමට රාජ්‍ය නිළධාරීන් කැපවී වැඩ කළ යුතුයි...

කාන්තන්කුඩි 06 ප්‍ර දේශයේ පිහිටි පල්ලියක ඉගෙනීමේ කටයුතු සඳහා ගිය අවුරුසු 08ක දරුවෙකුකට එම පල්ලියේ මව්ලවිවරයෙක් පොල්ලකින් පහරදී ඇති බවට ලැබුණ පැමිණිල්ලක් අනුව පහරදීම සිදුකළ අවුරුදු 40ක් වන මව්ලවිවරයා අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය කියයි.

ශ්‍රී ලංකාවේ ළමා මන්ද පෝෂණ තත්ත්වය වැඩි වෙමින් පවතින්නේද යන්න සොයා බැලීමටත්, එසේ නම් ඒ සඳහා ගත යුතු කෙටිකාලීන, මධ්‍යකාලීන හා දිගුකාලීන ක්‍රියාමාර්ග පිළිබඳව සොයා බැලීම සඳහාත්, හඳුනාගත් ක්‍රියාමාර්ග කඩිනමින් ක්‍රියාවට නැංවීම පිළිබඳව අධීක්ෂණය කිරීම සඳහාත් වන පාර්ලිමේන්තු විශේෂ කාරක සභාව පාර්ලිමේන්තු මන්ත්‍රී වඩිවේල් සුරේෂ් මහතාගේ සභාපතිත්වයෙන් පසුගියදා පාර්ලිමේන්තුවේදී රැස්විය.

හික්කඩුව වන ජීවී කාර්යාලයට හදිසි ආපදාවන්ට ලක් වන අධි සංරක්ෂිත සත්වයන් රැගෙන යාමට රථ වාහන නොමැතිකමෙන් හදිසි ආපදාවන් හා ආබාධ සිදුව කරන්දෙණියේ නිවෙස් දෙකකට පැමිණි විල් මුව පැටව් දෙදෙනෙකුගේ ගා කැබැල්ලෑවකුගේ ජීවිත දැඩි අවදානම් තත්වයක ඇති බව එම නිවෙස් හිමියෝ කියති.

මාස 06ක කාලයක් තුළ සංවිධානාත්මක අපරාධ මර්දනය කිරීමට අවශ්‍ය සැලසුම් සකස්කර මේ වන විට ක්‍රියාත්මක කරමින් පවතින බව බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා පවසයි.

කුරුණෑගල ප්‍රදේශයේ පිහිටි රජයේ වී ගබඩා දෙකකින් වී තොග ලක්ෂ 700ක ප්‍රමාණයක් අස්ථානගත වීමේ සිදුවීමට අදාළව නිලධාරීන් දෙදෙනෙකුගේ වැඩ තහනම් කර තිබේ. අස්ථානගත වී ඇති වී තොගවල වටිනාකම රුපියල් ලක්ෂ 1000ක් පමණ වෙතැයි සැලකෙයි.

කාසල්රි , මවුස්සාකැලේ ජල පෝෂක ප්‍රදේශවලට සහ විමලසුරෙන්ද්‍ර ජල විදුලි බලාගාර ප්‍රදේශවලට (29) දින පස්වරුවේ තද වැසි පතිත වු බව එම ජලාශ භාර ඉංජිනේරුවන් පැවසිය.

ලෝක කුසලාන තරගාවලිය යටතේ ශ්‍රී ලංකා කණ්ඩායම හා ඇෆ්ගනිස්ථාන කණ්ඩායම අතර අද පැවැත්වෙන තීරණාත්මක තරගයට දුෂ්මන්ත චමීර ක්‍රීඩා කරනු ඇතැයි ශ්‍රී ලංකා කණ්ඩායමේ සහාය පුහුණුකරු නවීඩ් නවාස් මහතා පැවැසිය.

තුර්කි ගුවන් සේවය ශ්‍රී ලංකාව සමග ඍජු ගුවන් ගමන් සේවා ආරම්භ කරමින් පළමු ගුවන් යානය 10/30 දින උදෑසන කටුනායක ගුවන් තොටුපොළ වෙත පැමිණියේය.

මිටියාගොඩ පොලිස් වසමේ පාසල් මාවත ලිපිනයේ පවත්වාගෙන යනු ලබන බාලිකා ළමා නිවාසයකින් බාලිකාවන් අටදෙනෙකු ඊයෙ (29දා) රාත්‍රී පැන ගොස් ඇතැයි මීටියාගොඩ පොලීසිය කියයි.

පවුල් ආරවුලක් හේතුවෙන් අනියම් ස්වාමිපුරුෂයාගෙන් පහර කෑමට ලක්වූ අවුරුදු 45ක් වන කාන්තාවක් ජීවිතක්ෂයට පත්ව ඇතැයි පොලීසිය කියයි. අයගම පොලිස් වසමේ ඉත්තෑකන්ද ප්‍ර දේශයේදී මෙම ඝාතනය ඊයේ රාත්‍රී කාලයේදී සිදුව තිබේ. සැකකරු ප්‍ර දේශයෙන් පළා ගොස් ඇති අතර අත්අඩංගුවට ගැනීමට අයගම පොලීසිය පරික්ෂණ පවත්වයි.

ප්‍රභූ ඝාතනයක් සම්බන්ධයෙන් මරණීය දණ්ඩනය හිමිව බූස්ස අධි ආරක්ෂිත බන්ධනාගාරයේ රඳවා සිටින සංවිධානාත්මක අපරාධ කල්ලි සමාජිකයකුගේ දියණියගේ වැඩිවියට පැමිණීමේ උත්සවයක් පසුගියදා විශාල වියදමක් දරා කොළඹ ප්‍රධාන පෙලේ තරු හෝටලයක මහත් උත්කර්ෂවත් අයුරින් පවත්වා ඇති බව පොලිස් ආරංචි මාර්ග පවසයි. ඉකුත් (23දා) රාත්‍රියේ මෙම උත්සවය හා භෝජන සංග්‍රය පවත්වා ඇත .

හමාස් සංවිධානය විසින් ඔක්තෝබර් මස හත්වන දා ඊශ්‍රායලයට එල්ල කරන ලද ප්‍රහාරයෙන් දිවි අහිමි වූ ශ්‍රී ලාංකික සාත්තු සේවිකාවක වන අනුලා රත්නායක ජයතිලක මහත්මිය වෙඩි වැදීමකින් ජිවිතක්ෂයට පත්ව ඇති බව මීගමුව දිස්ත්‍රික් මහරෝහලේදී සිදුකරන ලද පශ්චාත් මරණ පරීක්ෂණයේදී අනාවරණය වී ඇත.

බණ්ඩාරවෙල ඕබඩඇල්ල අලවත්ත ප්‍රදේශයේ දී අද (29) පස්වරුවේ ලොරියක් අඪි 100ක පමණ ප්‍රපාතයකින් පහළට පෙරලී තිබේ.

ලෝක බැංකු ණය ආධාර යටතේ මාතලේ දිස්ත්‍රිකයේ ලොකු ලුණු මව් බල්බ වසන්තිකරණය කිරිම සඳහා මිලියන 100ක් වැය කර ඉදිකළ සීතාගාර 50 භාවිත නොකිරිමෙන් එම මුදලින් අපේක්ෂිත අරමුණ ඉටු වී නොමැති බව කෘෂිකර්ම නවීකරණ ව්‍යපෘති මධ්‍යම පළාත් නියෝජ්‍ය අධ්‍යක්ෂක ප්‍රසන්න පල්ලේමුල්ල මහතා පැවසීය.

ජාත්‍යන්තර මූල්‍ය අරමුදලේ නිර්දේශවලට අනුව 2025 වර්ෂයේ සිට නව දේපොළ බද්දක් හඳුන්වාදීමට සැලසුම් කර ඇති බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.