විගණන සේවකයෝ විරෝධයේ

ජාතික විගණන පනත පාර්ලිමේන්තුවට ඉදිරිපත් කර වහාම සම්මත කරන ලෙස ඉල්ලා විගණකාධිපති දෙපාර්තමේන්තුවේ නිලධාරීහු අද (13දා) කොටුව දුම්රිය පොළ ඉදිරිපිටදී විරෝධතාවක නිරත වූහ.

විරෝධතාවෙන් පසු විරෝධතාකරුවන් ජනාධිපතිවරයාට සංදේශයක් බාරදීමට බව පවසමින් පා ගමනින් ජනාධිපති ලේකම් කාර්යාලය වෙත ගමන් කරනු ලැබිණි.

එහෙත් පොලීසිය මැදිහත්වී පාගමන අතරමඟ නවතා දැමූ අතර, වෘත්තීය සමිති නියෝජිතයන් කිහිපදෙනෙකුට පමණක් ජනාධිපති ලේකම් කාර්යාලයට යාමට අවස්ථාව ලබා දුන්නේය.

උද්ඝෝෂණය අතරතුර මාධ්‍යයට අදහස් දැක්වූ විගණන සේවා සංගමයේ සභාපති නයන කුමාර මහතා සඳහන් කළේ, පසුගිය වසරේ මාර්තු මාසයේදී ජාතික විගණන පනත සකස් කළද, එය මෙතෙක් පාර්ලිමේන්තුවට ඉදිරිපත් කර සම්මත කරදීමට බලධාරීන් කටයුතු කර නොමැති බවයි.

ඡායාරූප ඒෂාන් ප්‍රනාන්දු