වාස්තු විද්‍යාව සංවර්ධනයටත් වැදගත්

වාස්තු විද්‍යාව සතු සෞන්දර්යාත්මක ප්‍රවාහය උපයෝගී කර ගනිමින් පරිසර ආරක්ෂණයද තහවුරු කරගත් ඉහළ සංවර්ධනයක් සඳහා ශ්‍රී ලංකාව රැගෙන යා හැකි බව නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක මහතා පවසයි.

කොළඹ, බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ අද පැවති ශ්‍රී ලංකා වාස්තු විද්‍යාඥයන්ගේ ආයතනයේ 33 වැනි ජාතික සංවත්සරික සමුළුවට සහභාගී වෙමින් අමාත්‍යවරයා එලෙස පවසා සිටියේය.

මෙහිදී, වාස්තු විද්‍යාඥයන්ගේ ආයතනයේ සභාපති හර්ෂ ප්‍රනාන්දු මහතා විසින් අමාත්‍යවරයා වෙත සමරු තිළිණයක්ද ප්‍රදානය කරන ලදී.

ප්‍රවාහ - අවකාශීය සංයෝජනය (The Flows: Touching the Void) යන තේමාව මුල් කරගනිමින් පැවති මෙම සමුළුව සඳහා දෙස් විදෙස් නියෝජිතයන් රැසක් සහභාගී වී සිටියහ.

ඡායාරූප ක්‍රෂාන් රණසිංහ