රේගුව රැවටුවාට කෝටි හයක දඩයක්

විශාල යන්ත්‍ර බව හඟවමින් රේගුව රවටා මොන්ටෙරෝ ජීප් රියක්, මිනි කූපර් රථයක් හා ටොයෝටා කාර් රථයක් නීති විරෝධී අයුරින් ශ්‍රී ලංකාවට ආනයනය කළ බව කියන මාතර තිහගොඩ ප්‍ර දේශයේ ව්‍යාපාරිකයෙකුට එරෙහිව රුපියල් කෝටි 6.52ක දඩයක් පැනවූ බව රේගු අධ්‍යකෂ ජනරාල් චූලානන්ද පෙරේරා මහතා කියයි.

වාහන ගෙන්වූ බව කියන පුද්ගලයා දකුණු පළාතේ බස්නායක නිළමේවරයෙකු බවද වාර්තාවෙයි. සැකකරු අදළ කන්ටේනර් රථයන නිදහස් කිරීම සඳහා රුපියල් ලකුෂ තුනකට ආසන්න රේගු මුදල් ගෙවා ඇතැයිද වාර්තාවෙයි.

කන්ටේනරයේ ඇති යන්ත්‍රවලට හානි සිදුවිය හැකි හෙයින් ඒවා හැසිරවීමට අවශය පහසුකම් සැලසීමට අවස්ථාව ලබාදෙන ඉල්ලමින් සමාගම විසින් රේගු අධ්‍යක්ෂ ජනරාල්වරයාගෙන් ඉල්ලීමක්ද කර ඇතැයි චූලානන්ද පෙරේරා මහතා පැවැසීය.