දුම්වැටි නිසා දිනකට මිය යෑම් 60ක්

මත්ද්‍රව්‍ය විරෝධී වැඩසටහන් රට තුළ කොතරම් දියත් වුවත් දුම්වැටි නිසා තවමත් දිනකට 60 දෙනෙකු මියයන බව රජයේ වෛද්‍ය නිලධාරීන්ගේ සංගමය සඳහන් කරයි.

සිදුකරන වැඩසටහන්වල පවතින අක්‍රමවත්භාවය නිසා මෙවැනි අවාසනාවන්ත තත්ත්වයකට මුහුණදීමට සිදුව තිබෙන බවද එම සංගමයේ සහකාර ලේකම් වෛද්‍ය හරිත අලුත්ගේ මහතා සඳහන් කළේය.

මේ නිසා අද (31දා) දිනට යෙදී තිබෙන දුම්වැටි විරෝධී දිනය නිමිති කරගෙන රට තුළින් දුම්වැටි තුරං කිරීම සඳහා විධිමත් වැඩපිළිවෙළක්  සකස් කරන ලෙසට ජනාධිපති මෛත්‍රීපාල සිරිසේන මහතාගෙන් ඉල්ලීමක් කළ බවද අද (31දා) පැවති මාධ්‍ය සාකච්ඡාවකදී සඳහන් කළේය.