ගොවීයන් උද්ඝෝෂණයට සැරසෙයි

රටතුළ භාවිත කිරීමසහ ගෙන්වීම තහනම් කර ඇති ග්ලයිෆොසේට් පූර්ණ වල්නාශකය නැවත ගෙන්වීමට කටයුතු කළහොත් රටපුරා මාරාන්තික ගොවි සත්‍යග්‍රහ ආරම්භ කිරීමට සැලසුම් කර ඇතැයි ප්‍රගතිශීලී ගොවිජන සම්මේලනය සඳහන් කරයි.

කෘෂිකර්මික ප්‍රදේශවල ශීඝ්‍රයෙන් පැතිරයන වකඩුගඩු රෝගය ඇතිවීමට ප්‍රධාන වශයෙන් බලපා තිබෙන්නේ මෙම වල්නාශකය බවට ලෝක සෞඛ්‍ය සංවිධානය පවා තහවුරු කර ඇතැයි එම සංවිධානයේ සභාපති කවුඩුල්ලේ ජයතිස්ස මහතා සඳහන් කළේය.

මේ නිසා මෙම වල්නාශකය ගොවීන්ට බෙදාහැරීම ජනාධිපති මෛත්‍රීපාල සිරිසේන මහතාගේ උපදෙස් මත නිකුත් කළ ගැසට් නිවේදනයකින් තහනම් කළ බවද ඔහු පවසා සිටියේය.

එහෙත් වතු සමාගම්වල අවශ්‍යතාවට අනුව එම වල්නාශකය නැවත ගෙන්වීමට උත්සාහ ගනිමින් සිටින බවද අද (11දා) පැවැති මාධ්‍ය සාකච්ඡාවකදී හෙතෙම සඳහන් කළේය.