උතුරේ හර්තාල්

වවුනියාව, උක්කුලාන්කුලම් ප්‍රදේශයේ මියගිය 13 හැවිරිදි පාසල් සිසුවියගේ මරණය හේතුවෙන් අද (24දා) උතුරු පළාතේ හර්තාල් ව්‍යාපාරයක් ක්‍රියාත්මක කොට තිබේ.

උතුරේ සෑම දිස්ත්‍රික්කයකම සියලුම වෙළෙඳ සැල් වසා හර්තාල් ව්‍යාපාරය පැවත් වූ අතර, ඊට සමගාමීව උතුරේ පෞද්ගලික බස් හිමියන්ගේ සංගමයද ගමනාගමන කටයුතුවලින් ඉවත්ව තිබිණි.

හර්තාල් ව්‍යාපාරය දියත් කළ වෙළෙඳ සංගම් හා පෞද්ගලික බස් හිමියන්ගේ සංගමය කියා සිටියේ මියගිය 13 හැවිරිදි කංගාධරන් ක්‍රිෂ්ණවී නමැති සිසුවියගේ මරණය සියදිවි නසාගැනීමක් නොව ඝාතනයක් බවයි. එහි ඝාතකයන් මේ වනතුරුත් අත්අඩංගුවට නොගැනීමට විරෝධය පළකරමින් මෙසේ හර්තාලය දියත් කළ බවද ඔවුහු කියා සිටියහ.