ආරක්ෂක අංශයේ 18ක් අත්අඩංගුවේ

ත්‍රස්තවාදය වැළැක්වීමේ පනත හා වෙනත් නීති යටතේ ආරක්ෂක අංශ සාමාජිකයන් 18 දෙනෙකු මේ වනවිට අත්අඩංගුවේ පසුවන බව නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක පාර්ලිමේන්තුවේ අද (07දා) සභාගත කළ පිළිතුරක සඳහන් විය.

ඒ අනුව ත්‍රස්තවාදය වැළැක්වීමේ පනත යටතේ නාවික හමුදාවේ තිදෙනෙකුද, යුද හමුදාවේ හත්දෙනෙකු හා වෙනත් නීති යටතේ පොලීසියේ හතරදෙනෙකු හා යුද හමුදාවේ හතර දෙනෙකුද අත්අඩංගුවට පත්ව ඇති බව එහි සඳහන් වේ.

එක්සත් ජනතා නිදහස් සන්ධාන පාර්ලිමේන්තු මන්ත්‍රී උදය ගම්මන්පිල මහතා විසින් වාචික පිළිතුරු අපේක්ෂාවෙන් අදාළ ප්‍රශ්නය අසා තිබූ අතර ප්‍රශ්නය විමසීම සඳහා ඒ මහතා සභාවේ නොසිටියේය.