මිලියන 99කින් සෑදු මාර්ගය වසරක් යෑමටත් පෙර සේදී යයි
බදුල්ල නගරයේ ප්‍රධාන මාර්ග දෙකක් යාකරමින් රුපියල් මිලියන 99 ක වියදමින් කාපට් අතුරා සංවර්ධනය කළ කැප්පිටිපොල මාර්ගය විවෘත කර වසරක් ගතවීමටත් පෙර විනාශවී තිබේ .
බදුල්ල - බණ්ඩාරවෙල මාර්ගය අවහිර වන අවස්ථාවන්හි එම මාර්ගයේ පිංඅරාව හන්දියේ සිට බදුල්ල නගරයට හෝ මහියංගන මාර්ගයට පිවිසීම සදහා වන එකම විකල්ප මාර්ගය මෙයවෙයි .
සංවර්ධනය කළ මාර්ගය මෙසේ විනාශවීමට ලක්ව ඇත්තේ මාර්ගය යටින් දිවෙන යල්පැනගිය විශාල ජලනල පුපුරා යාම බව ප්‍රදේශවාසීහු පවසති .
මේ වන විට ස්ථාන හතරකින් මාර්ගය විනාශවී ඇති අතර ජාතික ජල සම්පාදන මණ්ඩලය ඒවා පිළිසකර කිරීමට කැනීම් සිදුකිරීමෙන් පසු මාර්ගය යළි සකස් නොකිරීම නිසා ජනතාව දැඩි අපහසුතාවයටකට පත්ව තිබේ .
මාර්ග සංවර්ධන අධිකාරියේ අධික්ෂණය යටතේ මෙම මාර්ගය ඉදිකර ඇතත් කාපට් ඇතිරීමට පෙර මෙම ජලනල අධික්ෂණය නොකිරීම නිසා මේ විනාශය සිදුව ඇති බවත් මෙම මාර්ගය සංවර්ධනය කිරීමට පෙර යල්පැන ගිය නල ඉවත්කර නව එලීමට මාස 6 කපමණ කාලයක් ජාතික ජලසම්පාදන මණ්ඩලයට ට ලබාදුන් නමුත් ඔවුන් එම කටයුත්ත ඉටු නොකළ බවත් බදුල්ල නගරාධිපති ප්‍රියන්ත අමරසිරි මහතා පැවසීය .
මෙම මාර්ගය කැනීම් සිදුකරන ස්ථාන පිලිසකර කර ගැනීමට මුදලක් ගෙවන බව ජාතික ජලසම්පාදන මණ්ඩලයේ නිලධාරියෙකුගෙන් කළ විමසුමකදි පැවසීය .
එහෙත ත් නගරාධිපතිවරයා පවසන්නේ එය මූලිකව සිදුවන අවස්ථාවේ පමණක් වන ලෙසට ගෙවීම කරන නමුත් නිරත්තරයෙන්ම සිදුකරන කැනීම් වලට මුදල් ලබානොදෙන බවයි .
මෙම මාර්ගයට අමතරව බදුල්ල නගරයේ තවත් මාර්ගය කීපයක මෙම තත්වය පවතින බවද හෙතෙම අවධාරණය කළේය .
බදුල්ලේ පාලිත ආරියවංශ
popular news
-
cc Tuesday, 24 January 2023 07:27 AM
ශ්‍රීලංකාවේ බොහෝ සංවර්ධන ව්‍යාපෘතිවල තත්ත්වය මෙයටද අදාළවේ.මෙම මාර් ගයේ දුර්වල දිරාගිය ජලනල අතිබේද යන්න නිසි පූර්ව පරීක්සාවකින් තොරව පාර පිළිසකර කිරීම නිසා මේ සදහා වැයකල රු.මි.99ක් වටිනා සංවර්ධන ව්‍යාපෘතිය රටට නොබෝ දිනකින් අහිමිවී යනු ඇත. බොහෝවිට මෙම අරමුදල රජය සපයා ඇත්තේ විදෙස් ණය අරමුදල් මගින් ලද ලැබීම්වලින් වනවාට සැක නැත. මේ නිසා රටතුළ වත්කම් ගොඩනැගෙනවා වෙනුවට බරපතල සම්පත් නාස්තිවීමක් සිදුව ඇත. මේ නයින් අප ලබා ගත් විදේශ ණයවලට සාපේක්ෂව මෙරට වත්කම් වැඩිවී නැත. මෙය එක් උදාහරණයක් වුවත් පසුගිය වසර ගණනාවක් රටතුළ කරන ලද සංවර්ධන ව්‍යාපෘතිවල ස්වභාවය මෙසේ වෙයි. මෙවැනි අකාර්යක්ෂම වැඩ නිසා අප රට අද පත්ව ඇති තත්ත්වයට පත්ව ඇත. මෙය නිවැරදි කිරීම සඳහා සාර්ථක සංවර්ධන සැලසුම් හා පසුවිපරම් යාන්ත්‍රණයක් රටතුළ කඩිනමින් ස්ථාපිත කල යුතුවේ. එය රටතුළ අඛණ්ඩව ක්‍රියාත්මක වියයුතු ප්‍රතිපත්ති රාමුවක් සහිත පද්ධතියක් විය යුතු වේ.
Reply : 0 3
Kamal Tuesday, 24 January 2023 10:29 AM
අදාල ව්‍යාපෘතිය අධීක්ෂණය කළ සියලුම උන්ගේ වැඩ තහනම්කට ලක් කළ යුතුය.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
