මැතිවරණ නීති උල්ලංඝනය කළ අත්පත්‍රිකා බෙදු පුද්ගලයෙකු අත්අඩංගුවට

දුම්මලසුරිය පොලිස් වසමේ වීරකොඩියාන ප්‍රදේශයේදි අද ( 14) දින නිවසින් නිවසට ගොස් ඡන්ද අත්පත්‍රිකා බෙදමින් සිටි පුද්ගලයෙකු අත්අඩංගුවට ගෙන ඇත.

අත්අඩංගුවට ගන්නා අවස්ථාවේදි සැකකරු සන්තකයේ තිබි ඡන්ද අත්පත්‍රිකා 155ක් , ලියුම් කවර 30ක් සහ සැකකරු පැමිණි යතුරුපැදිය පොලිස් භාරයට ගෙන ඇත.

මෙම සැකකරු වයස අවු. 27ක්වු කටුහේනවත්ත , පහළ වීරකොඩියාන ප්‍රදේශයේ පදිංචි සසිදු තිලකරත්න යන අය වේ.

මොහු මාදම්පේ පොලිස් වසමේ පාසලක මුරකරුවෙකු ලෙසට සේවය කරන බවට අනාවරණය වි ඇත.

දුම්මලසුරිය පොලීසිය වැඩිදුර විමර්ශන සිදු කරයි.