පෝලිම්වල තියන්න දරුවන් 05ක් හදන්න හිටපු ඇමතිගෙන් යෝජනා

විදේශ රටවලින් මෙරට අයෙකු හා   ආවාහ හා විවාහ වෙන  විට සිදු කළ යුතු  නව නීති  පිළිබඳව රජයේ රෙජිස්ටර් ජනරාල්වරයා නීති සම්පාදනය කර තිබෙන බවත් ඉදිරියේදී  මෙරට විවාහ වන විට දරුවන් පස් දෙනෙකු සෑදිය යුතු  බවට රජය නීති  පැනවීම් සිදු කළ යුතු බවට යෝජනා කරන බවත් හිටපු කෘෂිකර්ම අමාත්‍ය පී හැරිසන් මහතා පැවැසීය.

 දඹුල්ල ප්‍රදේශයේ විශේෂ මාධ්‍ය හමුවක් පවත්වමින්  හිටපු අමාත්‍ය පී හැරිසන් මහතා මේ බව සඳහන් කළේ අත්‍යාවශ්‍ය ආහාර භාණ්ඩ ලබා ගැනීම සඳහා ජනතාවට සිදුව ඇති පීඩනය පිළිබඳව සිය  ස්ථාවරය ප්‍රකාශ කිරීම් සඳහාය.

හිටපු අමාත්‍ය පී හැරිසන් මහතා වැඩිදුරටත් කියා සිටියේ මෙරට රෙජිස්ටාර් ජෙනරාල්වරයා විසින් නිකුත් කරන ලද විවාහ ගිවිස ගැනීමේදී නව චක්‍ර ලේඛනය කඩිනමින් වෙනස් කොට මෙරට විවාහ ගිවිස ගැනීමේදී දරුවන් පස්දෙනෙකු  අනිවාර්ය කරන ලෙස නීති පනවා එක් දරුවෙකු තෙල් පෝලිම්ට  අනෙක් දරුවා ගෑස් පෝලිමට  තවත් දරුවෙකු හාල් පෝලිමට , තවත් දරුවෙකු කිරිපිටි පෝලිමටත් තබාගැනීම පහසු වන නිසා එය සිදු කළ යුතු බවයි.

රටේ දැවෙන ප්‍රශ්න වලට පිළිතුරක් ලබා නොදීම නිසා ජනතාව පීඩනයටකට පත් වෙමින් සිටින බවත් ගෑස් උදුන් සහ ඒ ආශ්‍රිත විනාශවීම් පිළිබඳව මෙතෙක් රජය ජනතාවට සාධාරණය ඉටු කර නැති බවද මෙම මාධ්‍ය හමුවේ දී හැරිසන් මහතා පෙන්වා දුන්නේය.