ඉන්දුනීසියාවේ විශාලම පොල් ආශ්‍රිත සැකසුම් සමාගම් සී.බී.එල්. අත්පත් කර ගනියි

ශ්‍රී ලංකාවේ විශාලතම සමූහ ව්‍යාපාරයක් වන CBL සමූහය, ඇමරිකානු ඩොලර්  මිලියන 25 කට අධික ආයෝජනයක් සහිතව ඉන්දුනීසියේ විශාලම පොල් සැකසුම් සමාගමක් වන PT Tri Jaya Tangguh Indonesia (TJT) උපායමාර්ගිකව අත්පත් කර ගෙන තිබේ. සමාගමේ සේවක සංඛ්‍යාව 800 කට ආසන්න වෙයි.

ලෝක බැංකු සමූහයේ සාමාජිකයෙකු වන ජාත්‍යන්තර මූල්‍ය සංස්ථාව (IFC) විසින් මෙම ආයෝජනයට සහාය දක්වන ලද බව සමාගම නිවේදනය කරයි. ඉන්දුනීසියාව ලොව විශාලතම පොල් නිෂ්පාදනය කරන රටයි.

පොල් ආශ්‍රිත නිෂ්පාදන සඳහා ගෝලීය ඉල්ලුම අඛණ්ඩව ඉහළ යමින් පවතී.  ගෝලීය පොල් නිෂ්පාදන වෙළඳපොළ 2030 වන විට ඇමරිකානු ඩොලර් බිලියන 12 කට ආසන්න වනු ඇතැයි පුරෝකථනය කර ඇති අතර, අගය එකතු කළ අපනයනකරුවන් සඳහා සැලකිය යුතු අවස්ථා ඉදිරිපත් කරයි. ශ්‍රී ලංකාවේ පොල් සහ පොල් ආශ්‍රිත අපනයන 2025 දී ඇමරිකානු ඩොලර් බිලියන 1 සීමාව ඉක්මවා ගිය අතර, එමඟින් ජාතික ආර්ථිකයට මෙම අංශයේ වර්ධනය වන වැදගත්කම ඉස්මතු විය