'විජයබා කොල්ලය' සිනමා නිර්මාණයේ මුහුරත් උලෙළ සහ සිංහල සිනමාවේ 71 වැනි ජන්ම දින සැමරුම

ජනවාරි 21 වැනිදාට යෙදුණු සිංහල සිනමාවේ 71 වැනි ජන්ම දිනය නිමිතිකොටගෙන ප්‍රවීණ චිත්‍රපට නිෂ්පාදක බුද්ධි කීර්තිසේන නිෂ්පාදනය කරනු ලබන සහ ජ්‍යෙෂ්ඨ මහාචාර්ය සුනිල් ආරියරත්නයන්ගේ අධ්‍යක්ෂණයෙන් යුත් %විජයබා කොල්ලය^ සිනමා නිර්මාණයේ මුහුරත් උලෙළ පසුගිය 21 වැනිදා බම්බලපිටිය මතුරා අවන්හලේදී පවත්වනු ලැබීය.

මෙහිදී සිංහල සිනමාවේ 71 වැනි ජන්ම දිනය සැමරීමද සිදුකරන ලද අතර, ජ්‍යෙෂ්ඨ මහාචාර්ය සුනිල් ආරියරත්න, ප්‍රවීණ චිත්‍රපට නිෂ්පාදක බුද්ධි කීර්තිසේන, චිත්‍රපට සංස්ථා සභාපති සිතේන්ද්‍ර සේනාරත්න, සිංහල සිනමාවේ ජ්‍යෙෂ්ඨතමයන් වන සුමිත්‍රා පීරිස්, රවීන්ද්‍ර රන්දෙණිය, නන්දා මාලනී, ශ්‍රියානි අමරසිංහ, රෝහණ වීරසිංහ සහ බූඩි කීර්තිසේන ආදීහු රැසක් සහභාගී වූහ.