ෆ්ලයිඩුබායි යානා අනතුරින් 62ක් ජීවිතක්ෂයට

ෆ්ලයිඩුබායි ගුවන් සේවයට අයත් යානයක් රුසියාවේදී අනතුරට පත්වීමෙන් එහි ගමන්ගත් පුද්ගලයන් 62 දෙනෙකු ජීවිතක්ෂයට පත්ව තිබේ.

ඩුබායි සිට දකුණුදිග රුසියාවේ රොස්ටෝවන්-ඩොන් ගුවන්තොටු පොළ දක්වා පියාසර කළ යානය එම ගුවන්තොටු පොළ වෙත ගොඩබෑමට ගත් දෙවැනි උත්සාහයේදී අනතුරට පත්වීමෙන් එහි ගමන්ගත් සියලු දෙනා ජීවිතක්ෂයට පත්ව තිබේ.

රුසියානු බලධාරීන් පෙන්වාදෙන පරිදි බෝයිං 787-800 වර්ගයේ මෙම යානය ෆ්ලයිඩුබායි අඩුමිල ගුවන් සේවයකට අයත් යානයක් වන අතර, මෙහි ගමන්ගත වැඩි පිරිස රුසියානුවන් බව කියැවෙයි.

ගුවන් යානය ගුවන් පථය මතට වැටීමෙන් එය කෑලිවලට කැඩී විනාශ වී ගිය බවත්, එම අවස්ථාවේදී යානයේ ගුවන් මගීන් 55 දෙනෙකු හා කාර්ය මණ්ඩලයේ 7 දෙනෙකු සිටි බවත් කියැවෙයි.