මගී ජීවිත තඹයකට මායිම් නොකරමින් ලංගම හා පෞද්ගලික බස් රේස් යයි

මධ්‍යම කදුකරයේ බටහිර බෑවුම් ප්‍රදේශවල (15) දින රාත්‍රියේ සිට ඇදහැලෙන අධික වර්ෂාවද නොතකා හැටන් තලවකැලේ මාර්ගයේ උදෑසන ධාවනය වන මගී ප්‍රවාහන ලංගම සහ පෞද්ගලික බස් රථ තරගෙට ධාවනය කරන අයුරු එම බස් රථ පිටුපසින් ගමන් ගත් වාහනයක සවි කර තිබූ කැමරාවක සටහන් වී තිබුණි.

තලවකැලේ සිට හැටන් දක්වා උදෑසන ධාවනය වන ලංගම සහ පෞද්ගලික බස් රථ වල පාසල් ළමුන්, රාජ්‍ය සේවකයින් ඇතුලු මගීන් විශාල පිරිසක් ගමන් ගන්නා අතර, එම මාර්ගයේ බස් රථයට ගොඩවීමට අපේක්ෂාවෙන් සිටින මගීන් බස් රථවලට නංවා ගැනීම සදහා මගීන්ගේ ජීවිත අවධාවනම පිලිබදවද නොතකා එම බස් රථවල රියදුරන් අධික වේගයෙන් බස් රථ ධාවනය කරවන බවයි එම බස් රථවල ගමන් ගන්නා මගී ජනතාව කියා සිටින්නේ.