බුදු පුදට යන නැදුන්ගමුවේ ඇතු

මහනුවර ඓතිහාසික ඇසළ පෙරහැර මංගල්‍යයේ දළදා කරඬුව වැඩමවන නැදුන්ගමුවේ රාජා දළ ඇතු අද  (07දා) මහනුවරට ශ්‍රී දළදා මාලිගයට ළඟා වීමට නිවමිතය.

නැදුන්ගමුවේ රාජා පසුගිය (31දා) සිට ගම්පහ නැදුන්ගම්වේ සිට පා ගමනින්ම ගමන් අරඹා හිඟුල මාවෙල පුරාණ විහාරයට පැමිණ දිනක් ගිමන් හැරීමෙන් අනතුරුව  අද උදෑසන පිරිත් සජ්ඣායනා කර පිරිත් නූල් ගැටගසා පලතුරු ආදියෙන් සංග්‍රහ කිරීමෙන් පසු  මහනුවර  දළදා මාලිගාව බලා පිටත් විය.

දළදා මාලිගාවට පැමිණෙන නැදුන්ගමුවේ රාජාට මග දෙපස සිටි   බැතිමතුන් විසින් ගරු බුහුමන් දැක්වීමද විශේෂත්වයකි. මේ අතර මෙවර දළදා පෙරහැරට සහභාගිවීමට පා ගමනින්ම පැමිණෙන එම හස්තියාට තිරසාර සම්පත් හා වනජීවී අමාත්‍ය ගාමිණී ජයවික්‍රම පෙරේරා මහතා විසින් පොලිස් හා හමුදා ආරක්ෂාව ලබාදී තිබුණි.

චමිල් රූපසිංහ/හෙම්මාතගම විජය බණ්ඩාර