ලෝක අනුශූරයෝ පළමු කඩුල්ල අසමත්

වත්මන් එක්දින ලෝක අනුශූර නවසීලන්ත කණ්ඩායමට එරෙහිව අද (02දා) සන්ධ්‍යාවේ පැවැති පළමු එක්දින තරගයෙන් කඩුලු 07ක ජයක් ලැබීමට සත්කාරක සිම්බාබ්වේ කණ්ඩායම සමත්විය.

ඒ අනුව තරග තුනකින් යුත් තරගාවලිය තරග 1-0 ක් ලෙස පෙරමුණගැනීමට සිම්බාබ්වේ කණ්ඩායමට හැකිවිය.

හරාරේ ක්‍රිකට් ක්‍රීඩාංගණයේ පැවැති මෙම තරගයේ පළමුව පන්දුවට පහරදුන් නවසීලන්ත කණ්ඩායම පන්දුවාර 50 අවසානයේ කඩුලු 04 ක් පමණක් දැවී ලකුණු 304 ක් රැස්කිරීමට සමත්විය. රොස් ටේලර් නොදැවී ලකුණු 112 ක් හා කේන් විලියම්සන් ලකුණු 97ක් රැස්කරමින් ඉනිමට වටිනාකමක් එක් කළේය.

පිළිතුරු ඉනිම ක්‍රීඩාකළ සිම්බාව්වේ පිතිකරුවෝ ජයග්‍රාහී ඉලක්කය තරගයේ 49 වැනි පන්දුවාරයේදී පසුකරයාමට සමත්විය. සිම්බාබ්වේ ජයග්‍රහණයේ නියමුවා වූ ක්‍රෙග් අර්වින් නොදැවී ලකුණු 130 ක් රැස්කළේය. සිම්බාබ්වේ වෙනුවෙන් එක්දින තරග 33කට ක්‍රීඩාකර ඇති අර්වින්ගේ පළමු එක්දින ශතකය මෙය වේ.

නවසීලන්තය පන්දුවට පහරදීම / සිම්බාබ්වේ පන්දු යැවීම

සිම්බාබ්වේ පන්දුවට පහරදීම / නවසීලන්ත පන්දු යැවීම

ක්‍රෙග් අර්වින්